Nchini Afghanistan, kilimo cha afyuni, zao litumikalo kutengeneza dawa za kulevya, kwa mwaka huu wa 2024 kimeongezeka kwa asilimia 19, zao hilo likilimwa katika eneo la ukubwa wa ekari 12,800, imesema ripoti mpya ya Umoja wa Mataifa iliyotolewa leo.
Ukosefu mkubwa wa uhakika wa kupata chakula unatarajiwa kuongezeka kwa kiwango kikubwa katika nchi na maeneo 22, ripoti mpya ya Umoja wa Mataifa iliyotolewa leo na mashirika yake, lile la Mpango cha Chakula, WFP na la chakula na kilimo, FAO.
Kutana na F. Lattlandiki ambaye anasema unaweza pia kumwita Didiki, yeye ni Meneja wa Kampuni ya Dairei ya kusindika zao la ndizi na ana umri wa miaka 26. Didiki ni mwanafunzi wa masomo ya biashara na anasema anapenda sana kufanya biashara. Didiki anafanya kazi katika kampuni ya familia yao iitwayo Dairei iliyoko wilaya ya Mizoram kaskazini-mashariki mwa India, barani Asia, eneo ambako zao la ndizi linalimwa zaidi.
Msisitizo wa kimataifa lazima uendelee kuelekezwa kwa Haiti, ambapo hali ya sintofahamu ya kisiasa inaendelea na kukithiri kwa ghasia za magenge na uhaba wa chakula kunaendelea kuiingiza nchi hiyo "katika mgogoro unaoendelea", afisa mkuu wa Shirika la Umoja wa Mataifa la Mpango wa Chakula Duniani (WFP) amesema.
Mshauri Mkuu wa serikali ya mpito nchini Bangladesh, Muhammad Yunus amehutubia Mjadala Mkuu wa Baraza Kuu la Umoja wa Mataifa, UNGA79 jijini New York, Marekani na kueleza mambo ya msingi wanayofanya hivi sasa ili kurejesha utawala wa haki na wa amani nchini humo baada ya maandamano yaliyosababisha Waziri Mkuu kukimbia nchi.
Katibu Mkuu wa Umoja wa Mataifa Antonio Guterres amesema wanawake na wasichana wa Afghanistan wanakabiliwa na mgogoromkubwa wa ubaguzi wa kijinsia na ukandamizaji na sheria mpya iliyopitishwa mwezi uliopita inahalalisha kimfumo kuwafuta wanawake na wasichna wa Afghanistan katika maisha ya umma.
Ushirikiano kati ya China na Afrika unaweza kuendeleza mapinduzi ya nishati jadidifu na kuwa kichocheo kwa mabadiliko muhimu katika mifumo ya chakula na uunganishaji wa kidijitali, Katibu Mkuu wa Umoja wa Mataifa, Antonio Guterres, amewaeleza washiriki wa mkutano wa ushirikiano baina ya China na Afrika leo Septemba 5 jijini Beijing, China.
Imekuwa ni kawaida kwa baadhi ya wazazi kutelekeza mtoto aliyezaliwa na usonji au ugonjwa wa unaoathiri uwezo wa mtu kujifunza, Down Syndrome. Jambo ambalo Umoja wa Mataifa linapinga likitaka ujumuishwaji. Sasa nchini Bahrain harakati za wazazi zimeshika kasi na zinazaa matunda.
Katibu Mkuu wa Umoja wa Mataifa António Guterres leo Agosti 30 amewaambia wabunge wa Timor-Leste kwamba ulimwengu una mengi ya kujifunza kutokana na mapambano yao ya kujitawala, miaka 25 tangu kura ya maoni ya kihistoria iliyofungua njia ya uhuru wa nchi hiyo mwaka 2002.
Katibu Mkuu wa Umoja wa Mataifa anaendelea na ziara yake ya kihistoria huko Timor-Leste akisisitiza jukumu chanya ambalo nchi inaweza kuchukua katika hatua ya kikanda kusaidia kutatua mzozo katika Myanmar iliyokumbwa na vita.