Wahamiaji na Wakimbizi

Huku dunia ikizidi kutafuta suluhu ya changamoto zinazoletwa na mabadiliko ya tabianchi, watu waliolazimika kukimbia vita, vurugu na mateso wanajikuta kwenye mstari wa mbele wa janga la mabadiliko ya tabianchi. Imesema ripoti mpya ya Shirika la Umoja wa Mataifa la Kuhudumia Wakimbizi (UNHCR) iliyotolewa leo wakati mkutano wa 29 wa nchi wanachama wa mkataba wa  mabadiliko ya tabianchi, COP29  ukiendelea huko Baku, Azerbaijan. 

“Machafuko yasiyokoma nchini Sudan yamesababisha mgogoro mkubwa zaidi wa usalama kwa raia kwa miongo kadhaa, huku zaidi ya watu milioni 3 wakilazimika kukimbia nchi hiyo tangu vita ilipoanza miezi 19 iliyopita.” Dominique Hyde, Mkurugenzi wa Uhusiano wa Nje wa shirika la Umoja wa Mataifa la Kuhudumia Wakimbizi (UNHCR) amesema hayo leo jijini Geneva, USwisi akizungumza na waandishi wa habari.

Umoja wa Mataifa kupitia shirika lake la Mpango wa Chakula Duniani WFP,  ungali unaendelea kuwasaidia wakimbizi wa ndani nchini Jamuhuri ya Kidemokrasia ya Kongo (DRC) ili kurejesha tabasamu la waliopoteza makazi yao kutokana na hali ya ukosefu wa usalama nchini humo. Chakula na pesa taslimu zilitolewa kwa wale wanaohitaji jimboni Kivu Kaskazini Mashariki mwa DRC. 

Shirika la Umoja wa Mataifa ya chakula na kilimo (FAO) limeonya kuhusu hali ya uhakika wa chakula nchini Jamhuri ya Kidemokrasia ya Congo (DRC), ambapo takribani robo ya wananchi wanakabiliwa na ukosefu wa chakula uliokithiri. Kwa mujibu wa ripoti mpya ya tathmini jumuishi ya usalama wa chakula (IPC) iliyotolewa leo, kati ya Julai na Desemba 2024, watu milioni 25.6 wanakabiliwa na njaa kali (IPC Awamu ya 3 au zaidi), huku milioni 3.1 wakiwa katika hatari kubwa (IPC Awamu ya 4).

Mashirika ya Umoja wa Mataifa leo yatahadharisha kuhusu kuongezeka kwa mzozo nchini Sudan huku raia wakikabiliwa na hatari kubwa na tishio la njaa kuongezeka huku kukiwa na vizuizi vya ufikiaji watu wenye uhitaji.

Kikosi cha Umoja wa Mataifa cha muda nchini Lebanon UNIFIL, kinaendelea kufuatilia na kutoa ripoti kwa Baraza la Usalama kuhusu hali ya usalama kusini mwa Lebanon, licha ya ongezeko la vurugu katika wiki za hivi karibuni.

Wakimbizi kutoka Jamhuri ya Kidemokrasia ya Congo DRC wanaendelea kukimbilia Uganda kukwepa machafuko nchini mwao, huku rasilimali zikikaribia kikomo. Ameonya Kamishina mkuu wa  shirika la Umoja wa Mtaifa la kuhudumia wakimbizi UNHCR, Filippo Grandi, akiwa ziarani nchini Uganda hivi karibuni kwenye kambi inayohifadhi wakimbizi wa DRC na kutoa wito kwa jamii ya kimataifa kuongeza msaada.

Kamishna Mkuu wa Umoja wa Mataifa wa shirika la Kuhudumia Wakimbizi UNHCR Filippo Grandi ameatoa wito wa kuungwa mkono kimataifa huku watu wengi wakikimbilia nchini Uganda.

Shirika la Umoja wa Mataifa la kuhudumia wakimbizi (UNHCR) limetangaza ushirikiano wake wa kwanza kabisa na LIV Golf ambalo ni shirika la mchezo wa Gofu lililopo Florida, nchini Marekani, katika makubaliano ya miaka mitatu kwa lengo la kutekeleza mipango ya michezo kwa ulinzi wa wakimbizi na watu waliotawanywa ndani ya nchi pamoja na jamii zinazowahifadhi. Kupitia ushirikiano huu, LIV Golf imeahidi kuchangia dola milioni 10 ili kusaidia watu wapatao milioni moja barani Afrika, Asia, Ulaya, na Amerika Kusini.

Mbali na usaidizi mkubwa kwa watu waliokimbia makazi yao kutokana na migogoro mashariki mwa DRC, shirika la Umoja wa Mataifa la Mpango wa Chakula Duniani (WFP) linatoa msaada kupitia miradi iliyo ndani ya mfumo wa kuzuia na kupunguza hatari za unyanyasaji wa kijinsia unaohusishwa na uhakika wa kupata chakula.  Takriban wanawake 40 waliokimbia makazi yao wanaoishi katika kambi ya Bulengo jimboni Kivu Kaskazini, mashariki mwa DRC wamenufaika na mafunzo ya kusoma na kuandika tangu mwanzoni mwa mwaka huu wa 2024.