Jacob Nielsen
| Jacob Nielsen | |
 | |
| Statsborgarskap | Noreg |
| Fødd | 26. mars 1768 Christiania |
| Død |
15. desember 1822 (54 år) |
| Yrke | politikar, forretningsdrivande |
| Språk | norsk |
| Far | Niels Nielsen |
Jacob Nielsen (26. mars 1768–15. desember 1822) var ein norsk forretningsmann og stortingsmann.
Nielsen var fødd i Kristiania, der faren var handelsagent. 1786-87 var han utanlands for å lære seg handel. I åra frå 1797 til 1805 var han tilsett på kontoret til rikaste mannen i Noreg, Bernt Anker. Då Anker døydde i 1805 vart Nielsen hovudstyrar i "Det Ankerske fideikommis", ein posisjon han hadde til fideikomisset gjekk konkurs i 1819.
Nielsen var agent med rang av justisråd frå 1808. Perioden 1810-12 ytte han lån til statskassa.
16. februar 1814 deltok Nielsen på stormannsmøtet på Eidsvoll. På det overordentlege stortinget hausten 1814 var han 2. representant for Kristiania. 1814-18 var han meddirektør (styremedlem) i riksbanken.
Nielsen døydde på garden sin Skansgården i Vinger i 1822.
Jacob Nielsen var far til telegrafdirektør Carsten Tank Nielsen og farfar til historikaren Yngvar Nielsen.
Kjelder
[endre | endre wikiteksten]- Tallak Lindstøl: Stortinget og Statsraadet, samt tillæg. B. 1 D. 2 : Biografier L-Ø samt tillæg digital utgåve side 632
- Biografisk informasjon om Jacob Nielsen NSD Norsk senter for forskningsdatas politikararkiv