Soto Padang

Soto Padang ing mangkok

Soto Padang inggih punika satunggaling dhaharan ingkang dipucawisaken kanthi ngginakaken duduh saking kaldhu sapi kaliyan bahan irisan saking daging sapi ingkang sampun dipungoreng kanthi garing, bihun (mi saking glepung beras), lajeng dipuntambah kaliyan perkedel kenthang. Dhaharan punika langkung eca menawi dipuncawisaken nalika tasih panas. Kejawi wonten ing kutha Padang, Sumatra Kulon, dhaharan soto Padang punika ugi taksih gampil kapanggihaken wonten ing sapérangan restoran Padang ing pundi kemawon.