David Bowie
David Robert Jones (8 de xineru de 1947, Brixton – 10 de xineru de 2016, Manhattan y Nueva York), más conocíu como David Bowie, foi un músicu, cantante, compositor de pop rock y actor británicu, qu'exerció de la mesma d'actor, productor discográficu y arreglista.
Figura destacada de la música popular mientres más de cinco décades, Bowie ye consideráu un innovador sobremanera polos sos trabayos de la década de 1970 ya la so peculiar voz, amás de la fondura intelectual de la so obra.[14][15]
Carrera
[editar | editar la fonte]A pesar de llanzar un álbum (David Bowie) y dellos cenciellos antes, Bowie consiguió notoriedá en xunetu de 1969, cuando'l so cenciellu «Space Oddity» llegó al Top 5 de les llistes britániques.
Dempués de tres años correspondientes a una etapa d'esperimentación, resurdió en 1972, en plena yera del glam rock, col so estravagante y andróxinu álter ego "Ziggy Stardust", gracies al esitu del so cenciellu «Starman», y el LP The Rise and Fall of Ziggy Stardust and the Spiders from Mars. David Buckley, el so biógrafu, describe l'impautu de Bowie d'esa dómina diciendo que «retó al nucleu de la música rock de la dómina» y «creó, posiblemente, el personaxe más importante de la cultura popular».[16] La relativamente curtia vida de Ziggy probó ser namái una faceta d'una carrera marcada por continues reinvenciones, innovaciones musicales y presentaciones visuales de tou tipu.
Bowie consiguió, en 1975, el so primer ésitu n'Estaos Xuníos, gracies al so cenciellu «Fame», co-escritu con John Lennon, ya'l so discu Young Americans, del que dixo él mesmu que yera'l discu definitivu del plastic soul (términu acuñáu por un músicu de raza negra pa describir a un artista blancu interpretando música soul).
El soníu significó un cambéu radical del estilu que-y fixera famosu nel Reinu Xuníu. Dempués d'esto, confundió tanto a la so discográfica como a los siguidores estauxunidenses col discu minimalista Low (1977), la primera de tres collaboraciones con Brian Eno. Toos estos álbumes, conocíos como la Triloxía de Berlín, entraron nel Top 5 británicu, amás de que recibieron emponderamientos de la crítica.
Dempués de distintos ésitos comerciales a finales de la década de 1970, consiguió númberos unu nel Reinu Xuníu col cenciellu «Ashes to Ashes» ya'l so correspondiente álbum, Scary Monsters (and Super Creeps). Collaboró con Queen nel númberu unu de les llistes de venta «Under Pressure» pa, poco dempués, volver y consiguir un ésitu comercial col so discu de 1983 Let's Dance, del que s'estraxeron los cenciellos d'esitu «Let's Dance», «China Girl» y «Modern Love».
A lo llargo de les décades de 1990 y 2000, Bowie siguió esperimentando con distintos estilos musicales, incluyendo blue-eyed soul, industrial, adult contemporary y jungle. Nun salió de xira dende "A Reality Tour" de 2003-2004, y nun se presentó en direuto dende 2006.
Buckley diz de Bowie: «La so influencia foi única na cultura popular, tien trescalaes y camudaes más vides que nenguna otra figura pública».[16] Na encuesta de 2002 de la cadena televisiva BBC de los 100 británicos más importantes, Bowie apaez nel puestu númberu 29. Vendió, aproximao, 136 millones de discos a lo llargo de la so carrera. Recibió nueve discos de platín, once d'oru y ocho de plata nel Reinu Xuníu, y cinco de platín y siete d'oru n'Estaos Xuníos. En 2004, la revista "Rolling Stone" asitió-y nel puestu númberu 39 de la so llista de los cien artistes de rock más importantes de tolos tiempos, y nel puestu 23 de la so llista de los meyores cantantes de tolos tiempos.[17][18]
Discografía
[editar | editar la fonte]- 1967: David Bowie
- 1969: Space Oddity
- 1970: The Man Who Sold the World
- 1971: Hunky Dory
- 1972: The Rise and Fall of Ziggy Stardust and the Spiders from Mars
- 1973: Aladdin Sane
- 1973: Pin Ups
- 1974: Diamond Dogs
- 1975: Young Americans
- 1976: Station to Station
- 1977: Low
- 1977: Heroes
- 1979: Lodger
- 1980: Scary Monsters (and Super Creeps)
- 1983: Let's Dance
- 1984: Tonight
- 1987: Never Let Me Down
- 1993: Black Tie White Noise
- 1995: Outside
- 1997: Earthling
- 1999: Hours...
- 2002: Heathen
- 2003: Reality
- 2013: The Next Day
- 2016: Blackstar
Referencies
[editar | editar la fonte]- ↑ URL de la referencia: https://www.biography.com/people/david-bowie-9222045.
- ↑ Biblioteca Nacional d'Alemaña. «David Bowie» (alemán). Gemeinsame Normdatei. Consultáu'l 9 abril 2014.
- ↑ URL de la referencia: https://ekwc.nl/kunstenaars/. Data de consulta: 13 febreru 2024.
- ↑ 4,0 4,1 Identificador GND: 118514091. Afirmao en: Catalog of the German National Library. Data de consulta: 3 abril 2024. Llingua de la obra o nome: alemán.
- ↑ 5,0 5,1 «David Bowie dies of cancer aged 69». BBC Online (11 xineru 2016). Consultáu'l 11 abril 2016.
- ↑ URL de la referencia: https://www.hollywoodreporter.com/news/david-bowie-dead-legendary-artist-854364. Data de consulta: 11 xineru 2016.
- ↑ URL de la referencia: http://www.biography.com/people/iman-9542466.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://college.berklee.edu/about/honorary-degree-recipients.
- ↑ URL de la referencia: https://www.rollingstone.com/music/music-news/watch-david-bowie-tribute-at-rock-and-roll-hall-of-fame-ceremony-225638/.
- ↑ URL de la referencia: https://walkoffame.com/david-bowie/.
- ↑ Data de consulta: 31 xineru 2019.
- ↑ Data de consulta: 3 setiembre 2019.
- ↑ Stuart Lenig, 2010, p. 44
- ↑ Vladimir Bogdanov, 2001, p. 66
- ↑ 16,0 16,1 David Buckley, 2005, pp. 516–17, 524, 529
- ↑ «100 Greatest Artists by Rolling Stone» (inglés). rollingstone.com (2 d'avientu de 2010). Consultáu'l 25 de payares de 2015.
- ↑ «Best artist by Rolling Stone» (inglés). rollingstone.com (27 de payares de 2008). Consultáu'l 25 de payares de 2015.
Enllaces esternos
[editar | editar la fonte]Wikimedia Commons acueye conteníu multimedia sobre David Bowie.
- web oficial
| Control d'autoridaes |
|
|---|
Datos: Q5383