Mammute
| Mammute | ||||||||||
|---|---|---|---|---|---|---|---|---|---|---|
 Ne Rekonstruktion fon n Wullmammut (Mammuthus primigenius) | ||||||||||
| Systematik | ||||||||||
|
Do Mammute (Mammuthus) wieren n Sleek fon Elefante. Dät roate bloot een rezente Oard, nämmelk dät Wullmammut (Mammuthus primigenius). Foar 4000 Jiere stoorf die lääste uurich blieuwene Koppel fon Dwärch-Wullmammute ap dät Wrangel-Ailound bie Sibirien uut.
Oarde
[Beoarbaidje | beoarbaidje Wältext]- Mammuthus africanavus Afrikoansk Mammut, Afrikoa, Pliozän, Ju ooldste Mammut-Oard.
- Ju Unneroard Mammuthus africanavus subplanifrons, Suudafrikoansk Mammut uut Suudafrikoa, Pliozän
- Mammuthus columbi Columbianisk Mammut uut Noudamerikoa
- Mammuthus meridionalis Suudelefant, Ädder Pleistozän, waas ju eerste Mammut-Oard, ju fon Afrikoa tou Eurasien uutwondered is.
- Mammuthus exilis Columbianisk Dwärchmammut Disse Oard stamt fon dät Columbianiske Mammut ou un waas tou fienden ap do Columbianiske Kanoalailounde.
- Mammuthus imperator Köönichsmammut. Moonige Ljuude leeuwe, dät waas ju sälge Oard as dät Columbianiske Mammut un Jeffersons Mammut, man dät weet me nit so gnau. Innerdoad waas Mammuthus imperator grooter as dät Columbianiske Mammut. Noudamerikoa, Leet Pleistozän
- Mammuthus jeffersonii Jeffersons Mammut, Noudamerikoa, Pleistozän
- Mammuthus trogontherii Gäärslound-Mammut, Eurasien, Midde fon dät Pleistozän
- Mammuthus primigenius Wullmammut uut Sibirien, leeter uuk in Europa un Nordamerikoa, bit tou 2000 foar Kristus roate et ne Reliktpopulation ap dät Wrangel-Oailound, man dät waas ne Dwärch-Foarm fon disse Oard. (Pleistozän bit tou dät ädder Holozän)
- Mammuthus lamarmorae Sardinisk Dwärchmammut uut Sardinien
- Mammuthus sungari Songhua-Äi-Mammut uut dät däälich China (Middel - leet Pleistozän)
Ferbiesterjende Nomenklatuuren
[Beoarbaidje | beoarbaidje Wältext]Mammut of Mammuthus?
[Beoarbaidje | beoarbaidje Wältext]
Do Mammute hieten mäd hieren wietenskuppelke Noome (ju Nomenklatuur) "Mammuthus", man dät raakt uk ju Nomenklatur Mammut. Man dät Diert mäd ju Nomenklatur "Mammut" waas neen Mammut, sunnern n Mastodon (Dät sjucht so äänelk uut, is oaber uurs wät). Uk heerden do Mammute nit tou ju Familie fon do Mastodonten, afwäil ju Nomenklatur fon do Mastodonten "Mammutidae" hat. Do Mammute heere, juust so as do moderne Elefanten uk, tou ju Familie Elephantidae.
Mammuthus primigenius
[Beoarbaidje | beoarbaidje Wältext]Disse Nomenklatur, ju Nomenklatur fon dät Wullmammut, is uk ferbiesterjend. primigenius is uut dät Latienske un hat so fuul as toufäärme bädden. Der kuud me leeuwe, ju Oard Mammuthus primigenius waas ju ooldste Mammut-Oard weesen. Man dät is nit gjucht: Mammuthus primigenius is een fon do "modernste" Mammut-Oarden!
Literatuur
[Beoarbaidje | beoarbaidje Wältext]- Ronald M. Nowak: Walker's Mammals of the World Sixth Edition, ISBN 0-8018-5789-9