Ayyis amaziɣ
| Sous-classe de | cheval de selle  |
|---|---|
| Assmrs | Taɣzut, randonnée équestre |
| Pays d'origine | Lmɣrib, Dzayr, Tuns |
| Couleur | gris, bai, alezan |
Agmar nɣ d Ayyis amaziɣ iga yan uẓur n igʷmarn igan ggʷ ifriqya n izzlmḍ. izdi d uɣrf amaziɣ. ittyawssan zɣ uzmz n tmnkda tarumiyt. ittyawssan s tfransist s yism n Barbe.
Ayyis amaziɣ iga yan ɣ tidfrin n isan iqqbuṛn, igma ɣ iẓẓlmḍ n tfṛiqt (Libya - Tuns - Dzayr - Lmɣrib - Muritanya) zɛma tamazirt n imaziɣn. Smman-as ayyis amaziɣ acku aẓuṛ ns ɣ tmazirt n imaziɣn.
Llan kigan n tmagunin f aẓur izwarn n wayyis amaziɣ, llan kra ymassann nnan masd aẓuṛ ns iga ɣ yat trabbut n isan n tagant injmn ɣ uzmz n ugrsan, d mayad ad zzgan imuzayn ɣ tmassant n lmutaḥajjiṛat n imudar gr isggʷasn n 1987 ar 2002, may mmalan masd imaziɣn n tizi yan ẓḍaṛn ad ssunan ayyis amaziɣ n tagant ɣɣʷalli iddrn i ifḍan n isggʷasn. Iẓli ayyis amaziɣ f ayyis aɛṛab s masd udm ns imqquṛ f win aɛṛab d dars taẓḍuṛt f ulmaway n urunks n tudrt f ayyis anglizi.
Dar ayyis amaziɣ smmus n tisddarin ɣ udɣar n ṣḍis illan dar anawn n isan wiyyaḍ, d ar ttinin imassann masd tasddart tiss ṣḍist dar anawn an wiyyaḍ aygan awnul darsn d nttat ur tlli dar auyis amaziɣ d mayad ayas yakkan yan udwas d yat taẓḍurt imqquṛn. Ayyis amaziɣ iga zzɣ isan ikullu idusn ɣ umaḍal ɣ kigan n tɣawsiwin, ɣ tnggumt d tazzla d amyas d iga arudad d ifulki d art ttalɣn imustawn n isan d art bahra ssmrsn i ku mayad i flla nenna. Zund tanaka d lpolo d assuduns d taɣzut.
Iga yadlli ayyis isa ttmaɣn imaziɣn d ula iṛumin itid ittawin ɣ iẓẓlmḍ n afriqya afadd asrs ttmaɣn ɣ imnɣi acku iẓḍaṛ ayddr ɣ uṣmmiḍ wala tirɣi iggutn d iẓḍaṛ i maṛṛa tiɣawsiwin cqqanin. iga ugʷmar amaziɣ agʷmar amzziḍr; ittwassn s tziḍrt nns.
Amawal
[ssnfl | Snfl asagm]- tidfrin = سلالات
- igma = نشأ
- tmagunin = نظريات
- azmz n ugrsan = عصر جليدي
- zzgan = ثبتو
- imuzayn = خبراء
- ssunan = يروضو
- Iẓli = يختلف
- ulmaway = مواجهة
- urunks = صعوبة
- tisddarin = فقرات
- tasddart = فقرة
- awnul = نقطة الضعف
- udwas = قوة
- idusn = الأقوى
- tnggumt = شجاعة
- tazzla = الجري
- amyas = توازن
- arudad = سريع
- imustawn = خبراء
- ssmrsn = يستعملونه
- tanaka = فروسية
- taɣzut = التبوريدة