Vevelstad kommune

Vevelstad kommune
kommune
Kommunevåpen
Land	Noreg
Fylke	Nordland
Adm.senter	Vevelstad
Areal	539 km²
•  land	518 km²
•  vatn	21 km²
Folketal	480  (1. januar 2024)
Målform	bokmål
Ordførar	Sivert Vevelstad (Ap)
Kommunenr.	1816
Vevelstad 65.668333333333°N 12.518611111111°E / 65.668333333333; 12.518611111111
Kart som viser Vevelstad kommune. Kart som viser Vevelstad kommune.
Wikimedia Commons: Vevelstad
Nettstad: www.vevelstad.kommune.no

Vevelstad er ein kommune på Helgeland i Nordland fylke. Han grensar mot Alstahaug kommune i nord, Vefsn kommune i aust, Brønnøy kommune i sør og mot Vega kommune over havet i vest. Næringsvegane er hovudsakleg jordbruk, fiske, fiskeforedling og treforedling. Kystriksvegen går gjennom kommunen.

Geografi

Kommunen er djupt gjennomskoren av Vistenfjorden, som er rekna for den reinaste i Noreg. Det meste av arealet i kommunen er fastland, men han har òg nokre øyar, med Hamnøya som den største. Den høgaste toppen i kommunen er Vistkjerringa på grensa mot Vefsn. Rundt 50 % av kommunen er verna som Lomsdal/Visten Nasjonalpark.

I 2023 hadde kommunen rundt 480 innbyggjarar. Den største busetnaden i kommunen er Vevelstad, som også huser kommunesenteret. Hamnøya i vest har rundt 20 fastbuande. Ved Vistenfjorden i nord er bygdene Stokkasjøen og Visthus, som har rundt 50 fastbuande. Heilt inne i Vistenfjorden bur det fastbuande både i Kilvågen, på Bønå og på Aursletta.

Historie

Helleristninger i Vistnesdalen viser at det har budd folk i området sidan steinalderen.

Kultur

Vevelstad var deltakar i Skulpturlandskap Nordland med skulpturen Opus for himmel og jord av Oddvar I.N. Daren.

Vevelstad Bygdetun er ein del av Helgeland Museum.

Kommunevåpen

Kommunevåpenet til Vevelstad er blått med tre flytande omvende sparrar i sølv eller kvitt. Det blei utforma av Odd P. Olsen og vedtatt brukt av kommunestyret 6. mai 1992, med godkjenning frå statsrådet 13. november same året.

Bakgrunnsstoff

Commons har multimedium som gjeld: Vevelstad kommune

• Offisiell nettstad