Ola Borten Moe

Ola Borten Moe
Fødd	6. juni 1976 (48 år) Trondheim
Statsborgar av	Noreg
Parti	Senterpartiet
Yrke	politikar, bonde, forretningsdrivande
Utdanna ved	Noregs teknisk-naturvitskaplege universitet
Ektefelle	Anna Ceselie Brustad Moe
Alle verv	Norsk olje- og energiminister (2011–2013) stortingsrepresentant (2005–2009) vararepresentant til Stortinget (2001–2005) stortingsrepresentant (2009–2013) stortingsrepresentant (2021–) Norges forsknings- og høyere utdanningsminister (2021–2023)

Ola Borten Moe (fødd 6. juni 1976 i Trondheim) er ein norsk gardbrukar og politikar og tidlegare nestleiar i Senterpartiet. Frå 14. oktober 2021 til 4. august 2023 var han forskings‑ og høgare utdanningsminister i Regjeringa Støre.

Moe er utdanna agronom og har statsvitskap og historie mellomfag frå NTNU.

Politisk karriere

Moe vart vald inn på Stortinget frå Sør-Trøndelag fylke i 2005, etter å ha vore vararepresentant i perioden 2001–2005. Han var lokalpolitikar i Trondheim og medlem av Trondheim bystyre frå 1995 til 2007, og kommunalråd i Trondheim 1993–1996. Han var nestleiar for Kyrkje- og kulturkomiteen i Trondheim 1995–1999, og leiar for Oppvekstutvalet 1999–2003.

Moe var medlem av Senterpartiets programkomite forut for stortingsvalet 2005, og har ei særleg interesse for distrikts- og næringspolitikk. Frå haustsesjonen 2007 overtok han leiinga av Stortingets næringskomité etter at partifellen Lars Peder Brekk vart parlamentarisk leiar og trådde til i Stortingets kontroll- og konstitusjonskomité. Den 4. mars 2011 tok han over som olje- og energiminister etter Terje Riis-Johansen.

Moe melde avgang som forskings- og høgare utdanningsminister den 21. juli 2023 etter alvorlege feil knytte til habilitet. Han trekte seg følgjeleg også som nestleiar i Senterpartiet. Sandra Borch tok over som forskings- og høgare utdanningsminister etter Moe den 4. august 2023.

Stortingskomitear

• 2005–2007: medlem i energi- og miljøkomiteen
• 2005–2009: varamedlem i valkomiteen
• 2007–2009: leiar i næringskomiteen
• 2009–2011: medlem i kommunal- og forvaltingskomiteen
• 2009–2011: første nestleiar i kontroll- og konstitusjonskomiteen

Familie

Moe er barnebarn av tidlegare statsminister Per Borten. Han er gift med tidlegare stortingsrepresentant Anna Ceselie Brustad, som han gifta seg med i 2008.

Kjelder

• Denne artikkelen bygger på «Ola Borten Moe» frå Wikipedia på bokmål, den 14. september 2010.

Bakgrunnsstoff

Commons har multimedium som gjeld: Ola Borten Moe

• «Ola Borten Moe». Stortinget.no. 

• adressa.no: Nytt trønderpar på Tinget Arkivert 2014-12-20 ved Wayback Machine.