Fjærland kyrkje
| Fjærland kyrkje | |||
| Fjærland kyrkje | |||
 Bjørn Erik Pedersen
| |||
| Kyrkjesamfunn | Den norske kyrkja | ||
|---|---|---|---|
| Bispedøme | Bjørgvin | ||
| Prosti | Sogn | ||
| Sokn | Fjærland | ||
| Fellesråd | Sogndal | ||
| Type | Langkyrkje | ||
| Arkitekt | 1861: Christian H. Grosch 1931: Johan Lindstrøm | ||
| Material | Tre | ||
| Innvigd | 1861 | ||
| • Endringar | 1931: stor omvøling og utviding | ||
| Kyrkjegard | Ved kyrkja | ||
| Sitjeplassar | 300 | ||
 Fjærland kyrkje 61°24′12″N 6°44′21″E / 61.403333°N 6.739167°E | |||
| Wikimedia Commons: Fjærland kyrkje | |||
Fjærland kyrkje er ei langkyrkje frå 1861 i Mundal ved Fjærlandsfjorden, i Sogndal kommune i Sogn og Fjordane fylke.
Kyrkja vart sett opp etter teikningar av Christian Heinrich Grosch. Fyrst på 1930-talet vart kyrkja pussa opp, utvida og mykje endra, ved arkitekt Johan Lindstrøm. Før omvølinga var kyrkja kvitmåla og romma kring 240 personar, sidan har ho vore raudmåla og hatt plass til 300. Kyrkja vart vigsla på nytt 13. august 1931. Altartavla er frå 1931 og er måla av Bernt Tunold.
Foto: Axel Lindahl/Norsk folkemuseum
Dagens kyrkje er den tredje ein kjenner til har vore i Fjærland. Den fyrste var ei stavkyrkje som stod på garden Bøyum, kring fire kilometer nordom Mundal. Ho skal ha vore frå 1100-talet og stod til 1610, då ho bles ned. Då det vart sett opp ny kyrkje til erstattning for stavkyrkja vart det på Mundal. Det er usikkert nett når den kyrkja vart sett opp, men det skjedde kring 1610.
Kyrkja er soknekyrkje i Fjærland sokn i Sogn prosti- Soknet høyrde frå 2000 til 2004 (då prestegjeldsordninga vart utfasa) til Sogndal prestegjeld. Tidlegare høyrde soknet til Balestrand prestegjeld, og før Balestrand vart skild ut som eige prestegjeld i 1850, høyrde Fjærland til Leikanger prestegjeld.
Sjå òg
[endre | endre wikiteksten]Kjelder
[endre | endre wikiteksten]- Margrethe Henden Aaraas og Sigurd Vengen: «Fjærland kyrkje» på nettstaden til Fylkesarkivet i Sogn og Fjordane
- «Fjærland kyrkje» på NRK Sogn og Fjordane Fylkesleksikon
- Sigurd Muri: Norske kyrkjer. Det Norske Samlaget. Oslo 1971