Al-Bab
| Al-Bab | |||
| الباب, Bab Biza'ah | |||
| by | |||
 | |||
| Land |  Syria
| ||
|---|---|---|---|
| Guvernement | Aleppo | ||
| Distrikt | Al-Bab | ||
| Nahiyah | Al-Bab | ||
| Høgd | 471 moh. | ||
| Koordinatar | 36°22′21″N 37°31′4″E / 36.37250°N 37.51778°E | ||
| Areal | 30 km² | ||
| Folketal | 140 000 (2004) | ||
| Tidssone | EET (UTC+2) | ||
 Al-Bab 36°22′21″N 37°31′04″E / 36.3725°N 37.517777777778°E | |||
  Kart som viser Al-Bab.
| |||
| Wikimedia Commons: Al-Bab | |||
Al-Bab (arabisk الباب, al-Bāb) er ein by i Syria som administrativt høyrer til Aleppo guvernement. Al-Bab ligg nordaust for Aleppo og har eit areal på 30 km². Al-Bab ligg 471 meter over havet. I følgje Statistisk sentralbyrå i Syria (CBS), hadde han eit folketal på 140 000 i 2004.[1] Majoriteten i byen er sunnimuslimar.
Namn
[endre | endre wikiteksten]Al-Bāb tyder på arabisk porten. I følgje den arabiske geografen Yaqut al-Hamawi i 1226 er namnet ei forkorting for Bāb Bizāʻah (porten til Bizāʻah). Bizāʻah (òg Buzāʻah og Bzāʻā) er ein by som ligg kring 10 kilometer aust for Al-Bāb.
Historie
[endre | endre wikiteksten]Al-Bab vart erobra av den arabiske armeen til Rashidun-kalifatet under kalif Umar ibn al-Khattab. Han fekk namnet sitt under islamstyret då han fungerte som «porten» mellom Aleppo og den nærliggande byen Buza'ah. Grava og skrinet til Aqil ibn Abi Talib (bror til Ali) låg i al-Bāb, og fram til Ajjubide-dynastiet styrte byen på 1200-talet, var byen hovudsakleg busett av sjiaer frå ismaili-sekta.[2]
I følgje Yaqut al-Hamawi i 1226 var han ein liten by i distrikt Aleppo. I byen var marknader fylte med ein type bomullsprodukt kalla kirbas, som vart eksportert til Damaskus og Egypt. Abu al-Fida skreiv at al-Bab var ein liten by med ein marknad, eit bad, fine hagar og ein moske (den store al-Bab-moskeen).[2]
Den syriske borgarkrigen
[endre | endre wikiteksten]Seint i juli 2012, under den pågåande syriske borgarkrigen, trekte den syriske hæren seg frå byen al-Bab etter kampar mot Den frie syriske armeen (FSA).[3] Då byen vart erobra fekk FSA full kontroll over områda nordaust for Aleppo.[4] I følgje aktivistar i opposisjonen var det ein garnison frå regjeringsstyrkane att utanfor al-Bab som har bomba byen sidan FSA tok over.[5] Den 30. november vart ei tønnebombe vart sleppt frå eit helikopter i Al Bab og minst 120 menneske mista livet.[6]
Kjelder
[endre | endre wikiteksten]- Denne artikkelen bygger på «Al-Bab» frå Wikipedia på engelsk, den 10. april 2014.
- Wikipedia på engelsk oppgav desse kjeldene:
- ↑ Folketeljing 2004 Arkivert 2012-12-03 ved Archive.is. Syrisk statistisk sentralbyrå (CBS). Aleppo guvernement. Arkivert på [1]. (arabisk)
- ↑ 2,0 2,1 le Strange, 1890, p.406.
- ↑ Rebels claim victory i Syria's al-Bab. Al Jazeera English. 2012-07-31.
- ↑ McCormick, Ty. Morning Brief: Syrian rebels make gains in Aleppo, Al-Bab Arkivert 2013-12-03 ved Wayback Machine.. Foreign Policy. 2012-07-31.
- ↑ McElroy, Damien. Syria dispatch: Rebels forced to share guns as Assad's tanks roll in to Aleppo. The Daily Telegraph. 2012-07-26.
- ↑ http://news.yahoo.com/20-dead-air-raids-syrias-aleppo-province-174930624.html;_ylt=A2KJ2UiLJ5pSflQAMxnQtDMD