Ódol
|
|
Chest artícol a l'è scricc in Lumbàrt, ortograféa orientàl unificàda. |
| Ódol Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Itàlia | ||||
| Rejon | Lombardìa | ||||
| Provinça | Provincia de Brèsa | ||||
| Capolœg | Odolo | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°39′N 10°23′E / 45.65°N 10.383333°E | ||||
| OSM | 45576 | ||||
| Voltituden | 345 m s.l.m | ||||
| Superfix | 6,54 km² | ||||
| Abitants | 1 914 ab. (1º genar 2023) | ||||
| Densitaa | 292.66 ab./km² | ||||
| Confin | Prezéi, Vài, Gnùzen e Sàbio | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 0365 | ||||
| Codex postal | 25076 | ||||
| Sigla autom. | BS | ||||
| Codex ISTAT | 017121 | ||||
| Codex catastal | G001 | ||||
| Sant protetor | San Zen vescovo | ||||
| Cl. climatega | |||||
| Cl. sismega | |||||
| Localizazion | |||||
 | |||||
| Sit istituzional | |||||
Ódol (nom uficiàl en italià: Odolo) l'è 'n cümü italià, de la regiù de la Lombardìa, en Pruvìncia de Brèsa. El g'ha presapóch 1 985 abitàncc (dàto del des 2015 [1]), 'na superfìce de 6 km² e 'na densità de popolasiù de 331ab./km². El cunfìna coi cümü de Gnùzen, Prezéi, Sàbio e Vài.
Del cümü de Ódol fà part apò a le frasiù de Butìghe (cèntro aministratìf), Brète, Cadèla, Cagnàdech, Cà de Ódol, Serét, Cete, Colombér, Fùren, Gnavla, Pamparàne e Vich.
El paés l'è sitüàt endèla Conca Dóra cioè la vàl del torènt Vrènda che la töl dét pò a 'l teretóre dei cümü de Gnùzen, Biù e Prezéi, endèla Val Sàbia centràla. L'altèsa mìnima söl leèl del mar l'è de 292 méter e chèla màsima l'è de 713 méter. El se tróa a 30 Km de Brèsa e 'n antichità par che l'ünica stràda che gh'ìa per rià a Brèsa l'ìes chèla che de Cà de Ódol la pàsa per el col de Sant Özébe e la va zó a Caì e Nàe. Per rià a Sàbio se dopràa, e la gh'è amò, la vià ciamàda "del bósch”. L'abitàt de Ódol l'è streersàt del torènt Vrènda.
Odol el vé lüminàt endèi docümèncc riferìcc a l'enventàre (fàt endèl perìodo 'ntra 'l 879 - e 'l 906) dei posedimèncc del Monastér de Santa Giulia de Brèsa col nòm de "in curte Audalvico"[2]. Endèl córs dei sècoi l'è stat lüminàt apò a come "Otholo" e "Othulis". Endèl Medioévo alt, el sò teretóre el gh'ìa de fà part de la piéf de Biù. Endèl sècol XIV el vé 'nglobàt endèi dumìni dei Visconti de Milà (1337-1426) e col nòm de "Othulo" el vé a fà part de la Quàdra de la Al Sàbia.
El paés de Ódol al dé d'encö 'l prezènta caraterìstiche de 'n ambiènt endüstriàl e póch o negót gh'è restàt de le atività rürài de 'na ólta: aciaierìe e feriére i è le 'ndüstrie tìpiche de la zòna.
Del setèmber del 2008 Ódol l'è 'nzemelàt col cümü de Gonnosfanadiga, paés de la Sardégna de la pruvìncia del Medio Campidano.
Evulusiù demogràfica
[Modifega | modifica 'l sorgent]
Abitant censid
Colegamèncc estèrni
[Modifega | modifica 'l sorgent]Riferimèncc
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
- ↑ Còdes diplomàtich de la Lombardìa Medievàla - 46. Breve de terris <879 - 906> Arqiviad qé: [1]
