3C 273

3C 273
	Foto, opgeholl mam Hubble-Weltraumteleskop.
Stärebild	Virgo (Vir)
Positioun fir d'Equinoxe J2000.0
Rektaszensioun	12h 29m 6,8s
Deklinatioun	+ 2° 3' 7"
Ausgesinn
Visuell Magnitude	12,86 mag
Physikalesch Donnéeën
Distanz (Lj)	2.436.000.000
Routverrécklung	0,158339 ± 0,000067
Absolut Hellegkeet	-26,7
Geschicht
Entdecker	Maarten Schmidt a Bev Oke
Entdeckungsdatum	1963
Katalog- an Entdeckerbezeechnungen
PGC	41121

3C 273 ass d'Bezeechnung vum visuell hellste Quasar um Stärenhimmel. Den 3C 273 war den éischte Quasar, wou entdeckt gouf. Den Objet läit am Stärebild Virgo a steet an der Géigend vun der Ekliptik. Hie kann heiansdo vum Äerdmound bedeckt ginn. Seng Routverrécklung ass z = 0,158, woumat sech seng Liichtkraaftdistanz am ΛCDM-Modell zu 746,9 Mpc respektiv 2,436 Milliarde Liichtjoer ergëtt. Iwwer de Reverberatioun-Mapping huet sech d'Mass op 886 ± 187 Millioune Sonnemasse bestëmme gelooss.

Entdeckung

De Maarten Schmidt huet 1963 bei Ënnersich vum Martin Ryle senger kartographéierter kosmescher Radioquelle entdeckt, datt den 3C 273 aus dem Ryle sengem Third Cambridge Catalogue („3C“) eng ganz héich Routverrécklung huet, déi net zu engem punktfërmegen Eenzelstär passt. D'Radiogalaxie 3C 273 war dofir, wéi sech erausgestallt huet, nëmme „quasi stellar“, wat zum Numm „Quasar“ gefouert huet.

Hellegkeet an Observatioun

Den 3C 273 huet eng Hellegkeet vun +12,86 mag souwéi eng absolut Hellegkeet vun −26,7 mag. Domat ass de Quasar 300 mol méi hell wéi d'Mëllechstrooss an 4,1 Billioune mol méi hell wéi eis Sonn.

An enger klorer Nuecht ass den 3C 273 als liichtende klenge Punkt am Okular vun engem gudden Amateurteleskop z'erkennen. Den Objet steet op ongeféier 4° an ost-ost-südlecher „8 Auer“-Richtung vum 16 Vir (5 mag). Wéinst der minimer visueller Hellegkeet ass de Quasar awer nëmme mat enger ganz gudder Stärekaart sécher ze fannen. Fir eng graff Orientéierung kann déi Stärekaart ënne geholl ginn.

3C 273: Stärekaart
3C 273, opgeholl mat enger ToUcam un engem 10″ SCT mat 600 mm Brennwäit
D'Galaxie, déi ronderëm läit, gëtt op enger Foto mat engem Koronograf vum Hubble-Weltraumteleskop siichtbar.