Ollooscoill Durham

Ollooscoill Durham; University of Durham (Baarle)
	Cowrey
Jarroo-raa	Fundamenta eius super montibus sanctis (Ladjyn); "Ta ny undinyn eck er ny croink chasherick"
Bunnit	1832
Boayl	Durham
Çheer	Sostyn
Shansyleyr	Bill Bryson
Studeyryn	17 410
Skimmee	1 240
Ynnyd-eggey	http://www.dur.ac.uk/
Çhengaghyn	Baarle
Colleishyn	St. Aidan's, St. Chad's, Collingwood, St. Cuthbert's Society, Grey, Hatfield, St. Hild & St. Bede, St. John's, Josephine Butler, St. Mary's, Trevelyan, University, Van Mildert, Ustinov, George Stephenson, John Snow, Ushaw

Ta Ollooscoill Durham ayns Durham, ayns Sostyn hiar hwoaie. V'ee currit er bun ayns 1832 liorish Aght y Reiltys, as ghow ee Kaart Reeoil ayns 1837. V'ee ny treeoo ollooscoill ayns Sostyn, foddee (ta arganeys ayn er y chooish).

She ollooscoill cholleishagh t'ayn, as co-obbraghey eddyr rheynnyn ny h-ollooscoill hene as y 16 colleishyn eck. Son y chooid smoo, ta ronsaghey as leaghtyn fo stiurey ny rheynnyn, as bea as foays ny studeyryn fo stiurey ny colleishyn. Ta'n briwnys er cur entreilys da studeyryn goll er jannoo ec ny colleishyn hene. Dy cadjin, ta "yn ollooscoill" çheet er ny rheynnyn reiragh, y Shansyleyr as y lheid, cosoylaghey rish ny colleishyn as studeyryn.

She Bill Bryson Shansyleyr ny h-ollooscoill t'ayn nish, neayr's 4 Averil 2005. Hie yn ollooscoill er enney myr Sunday Times University of the Year ayns 2005^[2].

Bentyn rish keimyn, ta alumni ny h-ollooscoill cur "Dunelm" rish y keim oc, myr sampleyr: "Bsc. (Hons), Dunelm" son dy chowraghey yn ollooscoill.

Shennaghys

Bun

Er coontey yn ynsaghey jeeaghtagh mie va jeant ayns Durham, va ymmodee eabbyn er nyn nyannoo ollooscoill 'sy valley er bun y chur. Ren Ree yn Hoghtoo Inry as Oliver Cromwell eabbyn, agh cha mie lesh Ollooscoillyn Aah yn Ollee as Ollooscoill Cambridge yn eie. V'eh boirey orroo dy beagh ad coayl y scansh eu my beagh ollooscoillyn elley ayn as kiart cur keimyn eck^[3]. Ayns 1832, ren Reiltys Vretin Vooar

“

Aght son dy lhiggey da Dean as Cabdil Durham cur jeh cair y killagh oc son dy chur er bun Ollooscoill kiangley roo

”

as va bun currit er yn ollooscoill. Ayns 1837, ghow ad kiart y chashtal y ymmydey son aaght^[3].

Ta University College ayns Cashtal Durham, as myr shen she troggal ollooscoill shinney y theihll as sleih cummal ayn t'ayn^[4]^[5]

19oo eash

Ayns 1846, va Halley yn Agglish Hatfield currit er bun. V'eh y chied caa da studeyryn ayns Bretin Vooar cummal ayns aaght neugheyr as ee co-chadjin. Ayns University College, as ollooscoillyn elley, v'eh orroo cur lhieu fer failt son dy choagey, glenney as y lheid.

Va ymmodee studeyryn ayn nagh row nyn olteyryn jeh colleish erbee, as hug er bun ad y sheshaght “St Cuthbert’s Society” ayns 1888^[3]. Ayns y valley va daa cholleish ynsee ynseyderyn: St. Hild’s College da mraane (1858) as y College of the Venerable Bede da deiney (1839). Ayns 1975, haink ad stiagh ry-cheilley dy ve College of St Hild & St Bede. Va'n ghaa co-heshaghtagh rish yn ollooscoill derrey 1896, as va keimee St Hild nyn gied mraane keimee yn ollooscoill, ayns 1898^[3].

Ayns 1895, erreish daue geddyn tooilley Kaart, va kied ec yn ollooscoill keimyn da mraane y chur. Va Oastys ny Mraane currit er bun ayns 1899, as aaenmyssit myr St Mary’s College ayns 1919.

20oo eash

Va'n ollooscoill mooadaghey dy tappee ayns Balley Chashtal Noa, ga dy row daa cholleish Anglicaanagh currit er bun: St Chad’s College (1904) as St John’s College (1909). Lurg y Nah Chaggey Mooar, va Sheshaght St Aidan currit er bun ayns 1947 son mraane nagh row cummal 'syn ollooscoill. V'ee aaenmyssit myr St Aidan’s College ayns 1965.

Ayns 1958, liorish yn Universities of Durham and Newcastle upon Tyne Act (Aght ny h-Ollooscoillyn Durham as Valley Chashtal Noa), hie yn ollooscoill er rheynn, as ny v'ayns Balley Chashtal Noa, haink ee y ve Ollooscoill Valley Chashtal Noa.

Hie colleishyn noa er troggal er Elvet Hill, ayns laaragh noa çheumooie jeh'n valley hene. Va Grey College currit er bun ayns 1959, Van Mildert ayns 1965, Trevelyan ayns 1966 as Collingwood ayns 1972. Chammah's shen, v'ad troggal ny rheynnyn sheanse as jeshaghteyrys ayns y laaragh shoh. Va Sheshaght Cheimee currit er bun ayns 1965, as aa-enmyssit myr Ustinov College ayns 2003. Ayns 1968, hug ad kiart da'n colaastey Creestee Raueagh Ushaw dy ve ny halley aaght. She St Mary’s College va'n cholleish un-cheintyssagh s'jerree, agh ayns 2005, ghow ee toshiaght lhiggey da deiney çheet stiagh chammah. Ayns 2006, haink y chied studeyryn da Josephine Butler College, y chied colleish hene-lhongeydys 'syn ollooscoill.

Queen’s Campus, Stockton

Ayns 1992, ren Ollooscoill Durham as Ollooscoill Heesside co-obbraghey dy chur er bun y “Joint University College on Teesside of the Universities of Durham and Teesside” (Colleish Co-Ollooscoillagh Heesside Ollooscoillyn Durham as Teesside) ayns Thornaby on Tees. V’eh kiarail dy beagh eh cur magh co-cheimyn y ghaa ollooscoill, agh va doilleeidyn ec Ollooscoill Heeside, as ayns 1994, ghow Durham ny lomarcan stiurey jeh’n cholleish. Ayns 1996, haink ee dy ve University College, Stockton. Ayns 2001, hie ee er rheynn dys daa cholleish noa: John Snow College as George Stephenson College. Ayns 2002, hie y campus er aa-enmys myr Queens Campus.

Colleishyn t’ayn nish

Ta colleishyn ny h-ollooscoill er ny eddyrscarrey rere shoh, dy cadjin:

Ta colleishyn Bailey nyn soie er lieh-inshey ayns mean Durham, faggys da’n chashtal as ard-çhiamble, as sleih cur “y Bailey” er. T’ad ny colleishyn shinney.
Ta colleishyn Hill nyn soie er Elvet Hill, ayns Durham heear hwoaie, marish y laaragh sheanse. T’ad ny saa na ny colleishyn Bailey.
Ta St Hild and St Bede College (ny “Hild Bede”) ny soie ny lomarcan ayns Durham sheear, er Gilesgate Hill.
Ta ny colleishyn Stockton nyn soie ayns mean Stockton-on-Tees.
Ta Ushaw ny soie ny lomarcan ayns Ushaw Moor

Colleish	Bun	Fo-cheimee	Keimee	Campus	Ynnyd-eggey
St Aidan's	1947	806	28	Durham (Hill)	[1]
St Chad's	1904	321	63	Durham (Bailey)	[2]
Collingwood	1972	1134	41	Durham (Hill)	[3]
St Cuthbert's Society	1888	1144	67	Durham (Bailey)	[4]
George Stephenson	2001	1001	30	Queen's	[5]
Grey	1959	932	50	Durham (Hill)	[6]
Hatfield	1846	736	29	Durham (Bailey)	[7]
St Hild & St Bede	1975	1123	111	Durham	[8]
St John's	1909	392	55	Durham (Bailey)	[9]
John Snow	2001	899	17	Queen's	[10]
Josephine Butler	2006	690	30	Durham (Hill)	[11]
St. Mary's	1899	641	35	Durham (Hill)	[12]
Trevelyan	1966	625	42	Durham (Hill)	[13]
University	1832	694	59	Durham (Bailey)	[14]
Van Mildert	1965	1037	39	Durham (Hill)	[15]
Ushaw	1568	n/a^*	n/a^*	Ushaw Moor	[16]
Ustinov	1965^†	0^‡	1253	Durham (Hill)	[17]