Rechnitz

Rechnitz (hungareg : Rohonc, Rohoncz, tchekeg : Rohunac, Sloveneg Prekmurje : Rohunc, romani: Rochonca) a zo ur gumun e Burgenland e distrig Oberwart en Aostria.

Douaroniezh

E Su Burgenland emañ Rechnitz, tost ouzh harzoù Hungaria, e-kichen Bozsok^[1] and Szombathely. Menezioù uhelañ Burgenland (alamaneg: Geschriebenstein, hungareg: Írott-kő) a gaver war dachenn ar gumun.

43,8 km² zo dindan ar gumun ha niver an annezidi a sav da 2 997 (1 Genver 2023)

Istor

Berek 1920/1921 e oa Rechnitz ur gumun eus Hungaria, evel ma oa stad Burgenland en he fezh. Abaoe 1898 e veze implijet an anv hungarek Rohonc, diwar urzh gouarnamant Budapest. E 1919, da-heul ar Brezel-bed kentañ ha dre feur-emglev Saint-Germain ha hini Trianon, e voe roet Burgenland da Aostria. Diwar 1921 e voe neuze ur gêr eus stad Burgenland.

E-pad an noz etre ar 24 hag ar 25 a viz Meurzh 1945 e voe lazhet e-tro 200 yuzev a orin eus Hungaria e-kichen Rechnitz. N'eo ket bet adkavet o c'horfoù c'hoazh^[2] Ar skrivagnerez aostrian Elfriede Jelinek he deus savet ur pezh-c'hoari (Rechnitz – der Würgengel)^[3]. diwar-benn al lazhadeg. Un darvoud heñvel a c'hoarvezas e Deutsch Schützen.