pet

Brezhoneg

Raganv-goulenn

pet /ˈpe:t/

1. Raganv goulennata
   • Ho c'hounta em boa c'hoant da ober evit gouzout ped oant. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 88.)
   • Pet zo?
   • Bleunioù, pet ac'hanoc'h a weñv bemdez bremañ ? — (Bleunioù o tremen e Sonioù Feiz ha Breiz, w.d. 1930.)
2. pet a (dirak un anv lies) : pet a gezeg, pet a vugale
3. pet (zo) ac'hanomp (ac'hanoc'h, anezho)?
   • An aotrou Gouarnamant, pe gentoc'h an aotrounez Gouarnamant, rak piou oar ped a zo anezo ? [...] ! — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 18.)
   • Bleunioù, pet ac'hanoc'h a weñv bemdez bremañ ? — (Bleunioù o tremen e Sonioù Feiz ha Breiz, w.d. 1930.)
4. Raganv goulennata gant ar ger-mell, evit an deiziad:
   • Ar bet zo?
   • Ar bet e oa an eured? — (Jules Gros, Le trésor du breton parlé Troisième Partie, 1974, p. 156.)

Deveradoù

• ar bet
• d'ar bet
• na pet
• pet zo

Anv-gwan goulennata

pet /ˈpet/

1. anv-gwan goulennata dirak un anv-kadarn unan

   pet bugel, pet den, pet eur

   • Pet buoc'h az peus da c'horo? — (Jules Gros, Le trésor du breton parlé Troisième Partie, 1974, p. 156.)
   • A-benn pemp minutenn amañ, hini ebet ac'hanomp ne oar pet c'hwenenn a zo o skrabat dezhañ e revrig. — (Tad Medar, An Tri Aotrou, 1981, p. 58.)
   • Pet lev zo ac'hann da Berroz — (Jules Gros, Le trésor du breton parlé Troisième Partie, 1974, p. 156.)
   • Sell ped liñsel am-eus me kannet abaoe ar beure ! — (Jules Gros, Le trésor du breton parlé Deuxième Partie, 1970, p. 232.)
   • Pet lur a zo er yar-se?. — (Jules Gros, Le trésor du breton parlé Troisième Partie, 1974, p. 156.)
   • Ac'hano e welont n'ouzon dare pet parrez, ha n' ouzon pet tour koant, kollet o beg ganto en oabl glas. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 27.)
   • Me 'sello pet troatad a zo 'n ho tivvorzhed . Louis Eunius, gwerzenn 850

Deveradoù

• nouspet
• pet eur
• pet gwech
• pet vloaz
• pet bugel
• pet den
  • sell pet
  • na pet
  • nag a bet
• pet lur

Divinadelloù

• Ped toull ha ped toullez a zo ac'hann da Vontroulez ? — N'az-teus ket ezhomm da c'houl(enn) : pep hini e-neus e doull. — (Jules Gros, Le trésor du breton parlé Troisième Partie, 1974, p. 328.). Diazezet eo an divinadell war ar c'hemmesk a c'hall dont etre pet, raganv dirak un anv-gwan, ha pet, anv-gwan dirak un anv-kadarn : pet toull a c'haller kompren pe evel pet a doulloù, pe evel pet tra toull.
• Ped lost leue a zo ac'hann da Venez-Bre ? — Unan, mar bez hir a-walc'h. — (Jules Gros, Le trésor du breton parlé Troisième Partie, 1974, p. 334.)

Troidigezhioù

• kembraeg : sawl ^(cy)
• saozneg : how many ^(cy)
• nederlandeg : hoeveel ^(nl)

Brezhoneg

Etimologiezh

Savet diwar bezet e-barzh ho pezet, pe ho pet

Furm verb

pet /ˈpet:/

1. Berradur ho pet, eil gour lies doare-gourc'hemenn ar verb kaout/en devout:
   • — [...]... Pet sonj, Pipi, aman e chomfet fenoz. — (Erwan ar Moal, Pipi Gonto, Kemper, 1925, p. IV.)

Troidigezhioù

• galleg : ayez ^(fr)

Saozneg

Anv-kadarn

pet /ˈpɛt/

1. loen-ti

Verb

pet /ˈpɛt/

1. moumounañ
2. flourañ