leue

Ul leue

Brezhoneg

Etimologiezh

Meneget er C'hatholicon (1499): lue.

Da geñveriañ gant an anvioù-kadarn llo e kembraeg, leugh e kerneveureg, lao en iwerzhoneg ha laogh e skoseg.

Dont a ra eus ar ger keltiek *lāφigos, furm vihanaat savet diwar ar wrizienn indezeuropek *leh₂p- « chatal » a gaver er gerioù lopë « buoc'h » en albaneg ha lùops « chatal » e latveg.

Anv-kadarn

leue /ˈløːe/, /ˈlɥe/, /ˈleː/, /ˈlɛj/ gourel furm vihanaat : leukig, (liester leueoù) kaout ul leue, leueoù

1. Hini bihan ar vuoc'h hag an tarv.
   • Ar vuoh-se n'eo ket kovegez ha koulskoude he-devez leuëou kaer. — (Jules Gros, Le trésor du breton parlé Deuxième Partie, 1970, p. 276.)

   gouelañ evel ul leue war-lerc'h e vamm

2. bezañ ul leue en ur vuoc'h
3. bezañ ul leue gant ur vuoc'h
   • Leue a zo gand ar vuoc'h. — (Jules Gros, Le trésor du breton parlé Troisième Partie, 1974, p. 242.)
4. bezañ gant droug he leue
   • ...Degouezet eur vuoh da veza gant droug he leue. — (Jules Gros, Le trésor du breton parlé Deuxième Partie, 1970, p. 70.)
5. bezañ leue e vamm : atav tostik-tost d'e vamm, evel ur bugel aonik;
6. leue-dour : ul leue leun e benn a zour: brasoc'h eo e benn eget na dleje bezañ;

   leue geot

   • Degas ur penn leue d’ar gêr, bezañ rasket en un arnodenn.
7. leueiouaj, pe leueouaj, a vez graet eus al leueoù ganet er memes bloaz;
8. kig leue , a vez keginet ha debret
9. leuegen: kroc'hen leue
10. leue-mor: un anv a vez graet eus ar reunig.
11. arouez ar sotoni
12. bezañ ul leue: bezañ sot
13. leue brizh
    • Bezañ diot evel ul leue brizh .
    • Ar roue, ken diot hag ul leue brizh, a laka degas di ur pezh bern keuneud ; ... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 67.)
    • Yann al Leue, pe Fañch al Leue, a vez graet eus ar genaoueg.
    • Bezañ bet kig leue da zebriñ: bezañ sot

Eilstummoù

loue, le

Deveradoù

• leuegaj
• leue-mor
• leuegen

Troioù-lavar

• bezañ treid leue en e votoù
• blejal evel ul leue
• blejal evel ul leue dizonet
• lonkañ lostoù leue
• tremen lost al leue dre c'henoù unan bennak

Troidigezhioù

• alamaneg : Kalb ^(de)  nepreizh
• arabeg : عِجْل ^(ar) (ʕijl)  gourel
• euskareg : txahal ^(eu) , txekor ^(eu)
• galleg : veau ^(fr)  gourel
• gresianeg : μοσχάρι ^(el) (moschári)  nepreizh
• hindeg : बछिया ^(hi) (bachiyā)  benel
• hungareg : borjú ^(hu)
• italianeg : vitello ^(it)  gourel
• iwerzhoneg : lao ^(ga)  gourel , gamhain ^(ga)  gourel
• kembraeg : llo ^(cy)  gourel

• kerneveureg : leugh ^(kw)  gourel
• luksembourgeg : Kallef ^(lb)  nepreizh
• nederlandeg : kalf ^(nl)  nepreizh
• okitaneg : vedèl ^(oc)  gourel
• perseg : گوساله ^(fa) (gusāle)
• poloneg : cielę ^(pl)  nepreizh
• portugaleg : bezerro ^(pt)  gourel , vitelo ^(pt)  gourel
• romañcheg : vadè ^(rm)  gourel
• saozneg : calf ^(en)
• skoseg : laogh ^(gd)  gourel
• spagnoleg : becerro ^(es)  gourel , tenero ^(es)  gourel
• vietnameg : bê ^(vi)

Gwelet ivez

• Ar pennad « leue » e-barzh Wikipedia

Daveoù

Roll an daveoù :