lakaat
Brezhoneg
Etimologiezh
- Meneget er C'hatolikon lacat. Amprestet digant al latin locāre.[1]
Verb
lakaat /laˈkɑːt/ verb kreñv eeun (displegadur)
- lakaat udb en ulb (dindan udb, en udb, war udb)
- Lakaat kernioù war he fenn Ha mont ganti d'an oferenn. — (Fañch an Uhel, Soniou Breiz-Izel 2, Pariz, 1891, 1971, p. 122.)
- Laka ar gwer war an daol. — (Jules Gros, Le trésor du breton parlé Deuxième Partie, 1970, p. 301.)
- N'ouzon ket pelec'h em eus lakaet ma c'hontell. — (Jules Gros, Le trésor du breton parlé Deuxième Partie, 1970, p. 301.)
- Lakait sukr.— (Jules Gros, Le trésor du breton parlé Deuxième Partie, 1970, p. 301.)
- lakaat en douar (had, legumaj)
- Arru eo poent lakaat ar patatez abred. — (Jules Gros, Le trésor du breton parlé Deuxième Partie, 1970, p. 301.)
- Lakaet ho peus piz? — (Jules Gros, Le trésor du breton parlé Deuxième Partie, 1970, p. 301.)
- Lakaat aon en un den
- Lakaat droug, drougiezh, droukrañs, en un den
- Lakaat kemm etre daou dra
- lakaat mezh d'un den, en un den
- Lakaat had, plant, en douar.
- Lakaat poell, skiant, en un den
Adstummoù
Deveradoù
Troioù-lavar
- lakaat ar bas
- lakaat arc'hant en un dra
- lakaat ar c'harr a-raok ar marc'h
- lakaat ar vrec'h
- lakaat bole
- lakaat da gouezhañ
- lakaat d'ar marv
- lakaat dilhad: gwiskañ dilhad
- lakaat ludu war e dan
- lakaat mezh da unan bennak
- lakaat ober udb
- lakaat sav
- lakaat sav dindan un dra bennak
- lakaat unan da ober un dra
- lakaat unan bennak nec'het
- lakaat un dra bennak en un dra bennak
- lakaat un dra bennak war ar c'hoch
- lakaomp
- lakaat war-wel
Daveoù
Roll an daveoù :
- [1] : Albert Deshayes, Dictionnaire étymologique du breton, Douarnenez, Le Chasse-Marée, 2003, p. 447.