Фрэчыа (БМП)
Фрэчыа | |
---|---|
Бітва | |
Краіна паходжання | |
Вытворца | Iveco |
Дата прыняцця ў эксплуатацыю | 2006 |
Медыяфайлы на Вікісховішчы |
Фрэчыа (італ.: Freccia, «Страла») — італьянская шматмэтавая браняваная машына.
Створана канцэрнам Iveco — FIAT — Oto Melara. Распрацавана на аснове БМЦУ «Чэнтаўра». Першыя прататыпы з’явіўся ў 1996 годзе.
У 2006 годзе італьянская армія замовіла 249 адзінак «Фрэчыа» на агульную суму €1,54 млрд у наступных мадыфікацыях[1]:
- 172 БМП з вежай Oto Melara Hitfist, узброенай 25-мм аўтаматычнай гарматай Oerlikon KBA;
- 36 самаходных процітанкавых комплексаў, аснашчаных ізраільскай ракетай «Спайк»;
- 20 камандзірскіх машын;
- 21 самаходны мінамёт.
Браня забяспечвае абарону ад агню 30-мм аўтаматычнай гарматы ў лэбавай праекцыі і кругавую абарону ад бранябойных 7,62-мм куль. Супрацьмінная абарона дазваляе выжыць экіпажу пры падрыве да 6 кг выбуховага рэчыва ў тратылавым эквіваленце.
БМП абсталёўваецца дызельным рухавіком магутнасцю 550 к.с. і аўтаматычнай каробкай перадач. Максімальная хуткасць па шашы складае 110 км/г, запас ходу — 800 км.
На 2024 год італьянская армія мела 284 адзінкі БМП[2].
Крыніцы
[правіць | правіць зыходнік]- ↑ BM Freccia Infantry Fighting Vehicle, Italy . Архівавана з першакрыніцы 15 лістапада 2016. Праверана 21 ліпеня 2012.
- ↑ The Military Balance 2024. — P. 107.