Barranco
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un barranco ye una forma erosiva de releu de versants abruptas y en forma linial creyada por l'augua corrient cuan erosiona lo suelo. Los barrancos tienen formas de vals chicas con unas midas que van dende metros a decenas de metros de fondura y amplura.
Determinaus barrancos u las suyas morfolochías se nombran en aragonés a vegadas como "galachos", concepto diferent de lo galachos de la Ribera d'Ebro, que son brazos secundarios u cauces abandonaus d'Ebro, a vegadas meandros abandonaus.
Los barrancos son lo resultau de la formación de vallons y lavallos progresivament mes fondos y amplos. Las versants tienen mes tendencia a sufrir erosión en barrancos cuan desapareix la vechetación y l'augua corrient se leva lo suelo facilment, en especial en zonas con fuertes plevias y intensas tronadas. La erosión en galachos u barrancos se considera un indicador fisico d'erosión de grau 3 si los sulcos son d'escala metrica.[1] La erosión en barrancos reduce la productividat de las tierras de cautivo favorindo la desertificación.
Toponimia
[editar | modificar o codigo]
En la toponimia lo nord-este de la Peninsula Iberica muitos barrancos corresponden a torrents, en especial a las suyas canals de desaugue, por eixemplo los barrancos d'Arás y Ascaso.
La caracteristica de no levar augua tot l'anyo (u levar-ne poca por un regular), ha feito que en bella zona d'aragón se nombre como "barrancos" a los regallos, regachos, rigachuelos u arroyos, que a diferencia de los verdaders barrancos no amuestran uns sinyals d'erosión tan visibles.
Referencias
[editar | modificar o codigo]- ↑ (es) Diodora Calvo Aldea, Maria Teresa Molina Álvarez, Joaquín Salvachúa Rodríguez Ciencias de la tierra y medioambientales. 2º Bachilleraro. 2010 McGrawHill. p 298.
