Niger (Fluss)
| Niger | ||
 Flusslauf vum Niger mit em Flussyyzugsbiet (grien) | ||
| Date | ||
|---|---|---|
| Laag | Westafrika | |
| Flusssystem | Niger | |
| Quelle | Tembakounda, Guinea 9° 39′ 0″ N, 10° 52′ 0″ W | |
| Quellhöchi | 490 m | |
| Mündig | Nigerdelta, Golf vu GuineaKoordinate: 5° 19′ 0″ N, 6° 25′ 0″ O 5° 19′ 0″ N, 6° 25′ 0″ O | |
| Mündigshöchi | 0 m | |
| Höchiunterschiid | 490 m | |
| Lengi | 4184 km | |
| Iizugsgebiet | 2.261.763 km²
| |
| Rächti Nääbeflüss | Bani, Béli, Gorouol, Sirba, Tapoa, Mekrou | |
| Linggi Nääbeflüss | Sokoto, Benue | |
| Stausee | Kainji-Stausee | |
| Groossstedt | Bamako, Niamey, Port Harcourt | |
| Schiffbar | fascht ganzjehrig bis Lokoja | |
 Dr Niger bi Koulikoro | ||
 Insel an ere braite Stell vum Niger z Mali | ||
 Näbefliss vum Niger | ||
Dr Niger isch noch em Nil un em Kongo mit 4.184 Kilometer Lengi dr drittlengscht Strom z Afrika. Är fließt in eme fascht 2000 km große Halbchrais dur fimf Staate: noch em Ursprung in dr Bärg vu Guinea stremt er dur Mali, dr Side vu Niger, an dr Gränz vu Benin lang un schließli dur Nigeria, wun er in eme iber 200 km braite Delta in dr Golf vu Guinea mindet.
Fascht alli vu dr 110 Millione Mänsche, wu diräkt am Fluss wohne, wäre vum Niger mit Wasser versorgt. Syy Yyzugsbiet umfasst wyteri 4-5 Staate un rund 2,5 Millione km². Doderby isch aber d Zueornig vu dr Wieschteflechine uusicher.
Flusslauf
[ändere | Quälltäxt bearbeite]Dr Niger entspringt in dr Bärg im Side vum Staat Guinea, in dr Nechi vu dr Gränz zue Sierra Leone. Är fließt in eme Boge no Nordoschte un bildet z Mali d Massina. Derno chehrt er uf Timbuktu, wun er d Sahara straift un in Richtig Sidoschte wyterfließt. Är goht dur dr Staat Niger, d Hauptstadt Niamey vu däm isch an syyne Staade böue. Im wytere Verlauf bildet er dailwys d Gränz zue Benin, wu im Dreiländereck vu dr Staate Niger, Burkina Faso un Benin dr W-Nationalpark an eme W-fermige Rank vum Fluss lyt. Vu dert uus fließt er wyter uf Nigeria. Nodäm der dr Kainji-Stausee verlosst, durfließt er dr weschtlig Dail vu Nigeria, nimmt dr link Näbefluss Benue uf un mindet schließlig in Form vun eme große Delta in dr Golf vu Guinea, du Dail vum Sidatlantik isch. Dodermit durquert er Bärg, Rägewald, Savanne un Wieschti.
An dr Mindig vum Niger fließe im Johresdurschnitt rund 6.000 m³/s in dr Atlantik. Syy Lengi wird mit 4.184 4.184 km aagee, syy Yyzugsbiet mit 2.261.763 km². Dr Hauptzuefluss vum Niger isch dr Benue.
Dr uutypisch Flusslauf vum Niger het europäische Forscher iber zwai Johrdöuesrt Retsel ufgee. In dr Antike sin remischi Geografe dervu uusgange, dass dr Fluss in dr Nechi vu Timbuktu Dail vum Nil sei, im 17. Johrhundert sin europäischi Entdecker degege dervu iberzygt gsii, dass dr Fluss no Weschte fließe un in dr Senegal minde deet. Anne 1796 isch dr britisch Afrikaforscher Mungo Park as ain vu dr erschte Europäer an dr Lauf vum Niger chuu. Syy Raisebricht Travels in the Interior of Africa giltet hite no as Klassiker. Anne 1805 het er in ere zwoote Expedition dr Lauf vum Niger zwische Bamako un Bussa im Nordweschte vu Nigeria befahre, wun er 1806 um s Läbe chuu isch. Erscht anne 1830 het e Expedition vu dr britische Brieder Richard un John Lander dr Verlauf vum Niger bis zue dr Mindig entdeckt. D Quälle vum Niger isch vu europäische Forscher erscht anne 1879 entdeckt wore, em Franzos Marius Moustier un em Schwyzer Josua Zweifel.
D Bumerang-Form vum Flusses erklere hitigi Geografe zmaischt mit ere Theori, wu dr Niger noch ere us zwai alte, mitenander verbundene Fliss bstoht. Dr obere Niger vu dr Quälle in dr Loma Mountains bis zum Nigerchnyy isch urspringlig in e hite uusdrecknete See gmindet, dr unter Niger isch dergege in dr Biel bi däm See entsprunge un isch no Side bis zum Golf vu Guinea gflosse. Wu d Sahara 4000–1000 vor Christus uusdrecknet isch, hän di beede Fliss ihre Verlauf gänderet un hän sich droffe.
Schiffbarkait
[ändere | Quälltäxt bearbeite]Im obere Dail isch dr Niger mit chlainere Boot schiffbar, doderby stelle aber unter anderem Flusspferd e gwissi Gfohr dar. Ab Koulikoro, rund 60 Kilometer flussaabezues vu Bamako chaa dr Strom bis uf Lokoja, in dr Nechi vu dr Mindig vum Näbefluss Benue in dr Niger, mit greßere Boot un Schiff un au nume in dr Hochwasserzyt zwische Oktober un Jänner befahre wäre. Dur Versandig wäg dr Dinebilödig, wu zuenimmt, het sich d Schiffbarkait vum Niges am Nigerchnyy in dr letschte Johr verschlächteret.
Etymologi
[ändere | Quälltäxt bearbeite]Dr Name vum Fluss stammt wahrschyns vum latynische Wort fir schwarz (niger) as Fähldytig vum Wort vu dr Tuareg-Sproch ghir n-igheren (alem.: Fluss vu dr Fliss). Dr Name isch scho in ere Charte vum Claudius Ptolemäus fir e Fluss im Side vum Atlas-Gebirg brucht wore. Di weschtafrikanische Staate Niger un Nigeria sin noch em Fluss gnännt. Ihri Yywohner hän e großi Zahl vu verschidene Näme fir dr Fluss, dodrunter Joliba in dr Manding-Sproche un Isa Ber in Songhai. Baidi Werter bedyte große Fluss. In Mindigsnechi isch dr Niger au as Kworra oder Quorra bekannt gsii, voreb d Europäern im 19. Johrhundert gmerkt höän, dass ober Abschnitt, nit in dr Tschadsee un au nit in dr Nil mindet, derfir aber no Side zum scho bekannte Quorra chehrt.
Näbefliss
[ändere | Quälltäxt bearbeite]- Milo
- Tinkisso
- Niandan
- Sankarani
- Bani
- Sokoto
- Kebbi
- Kaduna
- Gorouol
- Béli
- Dargol
- Sirba
- Tapoa
- Goroubi
- Diamangou
- Mékrou
- Alibori
- Sota
- Kaduna
- Bénoué
Ortschafte
[ändere | Quälltäxt bearbeite]- Bamako
- Lokoja
- Mopti
- Niamey
- Onitsha
- Port Harcourt
- Ségou
- Timbuktu
Hydrometri
[ändere | Quälltäxt bearbeite]D Durflussmämngi vum Niger isch iber 40 Johr lang (1952-92) z Malanville gmässe wore, ere Stadt z Benin, rund 1.100 Kilometer flussufezues vu dr Mindig.[1] D z Malanville beobachtet mittler jehrlig Durflussmängi isch in däm Zytruum bi 1.053 m³/s gläge.
Dr Niger isch e seli große Fluss, aber au är fließt rägezytabhängig, wie di maischte Fliss in dr Region. Im Beobachtigszytruum vu 40 Johr isch e minimale Durfluss vu 18 m³/s (fascht ganz drucke), un e maximale Durfluss vu 2.726 m³/s beobachtet wore.
Di durschnittlig monetlig Durstremig vum Niger gmässe an dr hydrologische Station vu Malanville (in m³/s)
(Berächnet mit dr Date vun eme Zytruum vu 40 Johr, 1952-92)
Niger Basin Authority
[ändere | Quälltäxt bearbeite]D Niger Basin Authority (frz. Autorité du Bassin du Niger; NBA bzw. ABN) isch e intergovernmentali Organisation zum d Ressource vum Nigerbecki gmainsam z nutze un z ferdere.
Literatur
[ändere | Quälltäxt bearbeite]- Michael Obert: Regenzauber. Auf dem Niger ins Innere Afrikas, National Geographic Taschenbuch, 2010 - 5. Auflage. ISBN 3-89405-249-X
Fueßnote
[ändere | Quälltäxt bearbeite]Weblink
[ändere | Quälltäxt bearbeite]
Commons: Niger River – Sammlig vo Multimediadateie- Offiziälli Websyte vu dr NBA/ABN
- World Bank Sending $500 Million Funding for Niger Basin Development , Voice of America online, 4. Juli 2007. Abgruefen am 17. Juli 2007.
World Bank Sending $500 Million Funding for Niger Basin Development (Memento vom 11. Juli 2007 im Internet Archive)
- Niger Basin Initiative. World Wildlife Fund - WARPO / Freshwater Program for Western Africa Coordination Office.
- Memorandum of Cooperation between Ramsar and the Niger Basin Authority, The Bureau of the Convention on Wetlands, 2002.
- Phase of decision-making of the Niger Basin Authority (August 2006), Label France N°61- Africa on the move, French Ministry of Foreign and European Affairs.
|
Dä Artikel basiert uff ere fräie Übersetzig vum Artikel „Niger_(Fluss)“ vu de dütsche Wikipedia. E Liste vu de Autore un Versione isch do z finde. |