Mondjoye

Mondjoye (e-n almand, dispu 1918, "Monschau", francès "Montjoie", coinreçmint e plat (ripouwaryin ^{(a-z aveuri)}) "Montche"), c' est ene veye d' Almagne, nén lon del Walonreye, di l' ôte costé del Fagne.

Eglijhe protestante baroke et volé d' måjhon e palons

Djeyografeye

Roûle

Li veye est raiwêye pal Roûle.

Metowe dins on trô. E 1945, cåzu nou obus n' î a toumé.

Istwere

Tchestea dedja foirt vî, des contes do Limbork. Riprins på Dutcheye do Braibant. Pu, shûte a des eritaedjes et des ractaedjes, a vnou finålmint al dutcheye di Djulé, pu al Bavire, et après côp co al Prûsse.

Economeye

• Industreye del linne (florixhante e 17inme 18inme siekes). I fåt saveur ki tos les ris ki cwitèt l’ Fagne, totåtoû, ont ene aiwe foirt acide, sins tchåsse. Et i faleut, di ci tins la, i faleut absolumint çoula po poleur laver les linnes, et lzî dner des belès coleurs. C’ est po çoula k’ on-z a avou l’ industreye del linne a Mondjoye come a Vervî, ou a Neyåw.
• tourisse (å djoû d' ouy)

A vey

• Tchesteas des contes di Mondjoye : li tot prumî tchestea ki les contes do Limbork ont basti esteut puzieurs kilometes e-n amont di Mondjoye (veyåved' å lon). Li dierin tchestea est vizitåve. Li tchestea sierveut tofer d’ uzufrut po l’ eritî del conteye.
• Li "Rodje måjhone". C’ esteut ene måjhon d’ on fabricant d’ linne, ki sierveut totsi bén d’ fabrike ki di dmorance. Elle est completmint meublêye, co d’ epoke, et on l’ pout viziter. On vizite come on muzêye (c’ est todi prôpieté del famile, mins il ont fwait èn acoird avou l’ veye).

Hårdêye difoûtrinne

Vizite di Mondjoye e walon (avou Manfred Lejoly) (sol Tévé walon-cåzante)