Atletiek

De 200 meiter ip de Weireldkampioenschappn in Helsinki in 2005

Atletiek is een sport die bestoat uut verschillnde disciplines woarounder loopn, discuswerpn, speerwerpn en spriengn. De noame komt van 't Grieks woord "athlon" wat da "wedstryd" wil zeggn.

't Es moeilik om de verschillende disciplines in 't atletiek ounder êne noemer te platsen. Z'ein wel ollemoale nen ôorsproung in den oudn tyd (de Griekn ounder andere) en vormden de basis vo de klassieke Olympische Speeln en de moderne Olympische Speeln. Een twêede gemêenschappelik punt es dat ze udder ollemoale ofspeeln round een atletiekpiste, een ovoalvormige boane van exact 400 meiters lang (outdoor).

Der zyn twêe grôte vormn van atletiek: in de winter goat et indoor sezoen deure, met specifieke eigenschappn. Het belangrykste sezoen es het outdoor sezoen, in de zomer.

(Outdoor) atletiekdisciplines

Lôopnummers

De belangrykste disciplines in atletiek zyn de lôopnummers. Ze ounderscheidn under van mekoar vôorol deur een verschil in ofstand.

100m (M+V)
200m (M+V)
400m (M+V)
1.500m (M+V)
3.000m (m+v)
5.000m (M+V)
10.000m (M+V)
Marathon: 42 km (M+V)

100/110m hordn (V/M)
400m hordn (M+V)
3000m steeple (M+V)

10 km snelwandeln (V)
20 km snelwandeln
30 km snelwandeln (M)
50 km snelwandeln (M)

4x100m estafette (M/V)
4x400m estafette (M/V)

Technische nummers

speerwerpn (M/V)
verspriengn (M/V)
inkstapsproung (M/V)
hôogspriengn (M/V)
polstokspriengn (M/V)
kogelstôotn (M/V)
oamersliengern (M/V)
discuswerpn (M/V)

Mêerkampn

decatlon (tienkamp) (M)
heptathlon (zeevnkamp) (V)

Grôte kampioenschappn

Atletiek es, soamen met het zwemmn, de belangrykste sporttak ip de Olympische Speeln. Om de 4 joar zyn der dus Olympische atletiekkampioenschappn.
Om de twêe joar, in de oneven joaren, goan der Weireldkampioenschappn atletiek deure. De latste wos Deagu 2011.
Om de twêe joar zyn der ook Europese kampioenschappn atletiek. Vroeger was da om de vier joar.

Doarnoast ei je nog joarliks een somengoan van belangryke (Europese) wedstrydn in de zogenoamde Golden League. De Memorial Van Damme es êen van de zes wedstryden die dêel utmoakn van de competitie. Dêelnoame der an wordt antrekkelik gemakt deur het feit dat dêelnemers nen specioale jackpot keun winn o ze in olle zesse de wedstrydn den êesten zyn in under discipline.

Belgen in den atletiek

Twintigste êeuwe

België speelt traditioneel een klêne rolle in den atletiek. Een aantal schoarse ôogtepuntn:

Goud ip de Olympische Speeln van Londn (1948) ip de 5000 meiter voo Gaston Reiff.
Goudn medaille 3000 m steeple voo Gaston Roelants ip de Olympische Speeln in 1964 (Tokio).

Goudn medaille 3000 m steeple voo Gaston Roelants ip het EK in 1962.
Goudn medaille voo Karel Lismont in de marathon ip et EK van 1971.

Êenenwintigste êeuwe

2002: Zilvern medaille ip de 100 en 200m voo Kim Gevaert ip de Europese kampioenschappn van 2002 in München.
2006 wos een echt boerejoar voo de Belgischen atletiek. Ip de Europese kampioenschappn in Göteborg eit België drie goudn medailles behoald, een historische belevenisse. België es doarmee ip de zevende platse beland in 't landeklassement; nog nooit eit et land zo ôge gescoord. De medailles woarn:
- Goudn medaille 100m (by de vrouwn) voo Kim Gevaert
- Goudn medaille 200m (by de vrouwn) voo Kim Gevaert
- Goudn medaille ôogspriengn (by de vrouwn) voo Tia Hellebaut
2007: de weireldkampioenschappn in Osaka
- Brons voo de estafette-ploeg vrouwn 4x100 (Kim Gevaert, Elodie Ouedraogo, Olivia Borlée, Hanna Mariën). De êeste medaille voo België voo vrouwn ip een WK ôoit.
- vuufde plekke voo Kim Gevaert ip de 100m voo vrouwn.
- Veerle Dejaeghere oalt een êervulle 11de plekke ip de 3000m steeple, Hans Van Alphen doet etzelfste in de Decathlon.
2008: de weireldkampioenschappn indoor in Valencia
- Goud voo Tia Hellebaut ip de vuufkamp, een unicum voo België
2008: de Olympische Speeln in Beijing
- Zilver voo de estafette-ploeg vrouwn 4x100 (Kim Gevaert, Elodie Ouedraogo, Olivia Borlée, Hanna Mariën). De êeste medaille voo België ip de Olympische speeln sedert 1976 in de atletiek.
- Goud voo Tia Hellebaut bie et ôogspriengn, mè een Belgisch recor (2.05 meiters). De êeste goudn medaille voo een vrouwe in et atletiek ip de Olympische speeln.

Atletiek in West-Vloandern

Wa betreft atletiek in ûzn Provinsje zyn we oke nie slicht af wa betreft de verênegiengn. Hierounder e lystje van de atletiekverênigiengn under de VAL erkend.

Algemene Brugse Atletiek Vereniging (Brugge)
AV Molenland (Tielt)
AV Roeselare (Roeseloare)
Atletiek Zuid-West (Woaregem, Zwevegem)
Beverhout Atletiek Vereniging (Beirnem)
Flanders Atletiek Vereniging (Yzegem, Ôostkamp, Poperienge, Roeseloare, Wervik)
Houtland Atletiek Vereniging (Toeroet)
Hermes Club Oostende (Ostende, Jabbeke)
Koninklijke Kortrijk Sport (Kortryk)
Olympic Brugge (Brugge, Knokke)
Marathon Atletiek Club Westoek (Diksmude)

Koppeliengn noa West-Vlamsche atletiekverênigiengn

Ofbeeldiengn die ier by passn ku je vien in de categorie Atletiek van Wikimedia Commons.

Externe koppeliengn