Cyrano de Bergerac

Cyrano de Bergerac

Nome orixinal	(fr) Hercule Savinien Cyrano de Bergerac
Biografía
Nacemento	(fr) Hercule Savinien de Cyrano c. 6 de marzo de 1619 París, Francia
Morte	28 de xullo de 1655 (36 anos) Sannois, Francia
Educación	Liceo Louis-le-Grand
Actividade
Ocupación	dramaturgo, filósofo, escritor de ciencia ficción, escritor, poeta, novelista
Período de actividade	1640 -
Descrito pola fonte	Grande Enciclopedia Soviética 1969-1978, (sec:Сирано де Бержерак Савиньен) Enciclopedia soviética armenia Pequeno Dicionario Enciclopédico de Brockhaus e Efron

Estatua de Cyrano de Bergerac

Savinien Cyrano de Bergerac, nado en París o 6 de marzo de 1619 e finado en Sannois o 28 de xullo de 1655, foi un escritor francés. Foi contemporáneo de Molière. Morreu aos 36 anos como consecuencia das feridas que lle causou unha viga ao caerlle encima.

Biografía

Era fillo dun avogado do parlamento e pasou a maior parte da súa infancia en Saint-Forget. Trasladouse a vivir a París e alí discorreu case toda a súa vida.

Logo de retirarse da vida de soldado tras recibir unha ferida durante o sitio de Arras, dedicouse á filosofía facéndose discípulo de Pierre Gassendi.

A influencia da escola materialista percíbese principalmente nas súas obras filosóficas: A Historia Cómica dos Estados e Imperios da Lúa e A Historia Cómica dos Estados e Imperios do Sol, publicadas postumamente nos anos 1657 e 1662 respectivamente.

Na actualidade é máis coñecido pola obra Cyrano de Bergerac de Edmond Rostand, na que se narra unha época da súa vida, que polas súas propias obras. Esta peza foi levada varias veces ao cine, o que deu a coñecer aínda mais a Cyrano.

Obras

• Les Entretiens pointus - 1652
• Agripina (La mort d'Agrippine) - 1653
• Lettres - 1654
• Le Pédant joué - 1654
• L'autre monde ou les états et empires de la Lune - 1657

Traducións ao galego

En galego están traducidas as obras Os Estados e Imperios da Lúa e Os Estados e Imperios do sol por Henrique Harguindey en Rinoceronte Edicións.