A Copa do Xeneralísimo (en castelánCopa de Su Excelencia el Generalísimo) foi unha competición de remo en banco fixo celebrada anualmente en honor do xefe do estado españolFrancisco Franco na cidade da Coruña (Galiza). A primeira edición da competición disputouse en 1941, e celebrouse ininterrompidamente ata 1976, aínda que a morte de Franco tivo lugar en 1975. Durante os anos 50 e 1965, a Bandeira da Concha, o Campionato de España de Traiñeiras e a Copa do Xeneralísimo foron as únicas regatas disputadas no Cantábrico. Ademais, entre 1957 e 1961 a Copa do Xeneralísimo foi considerada o Campionato de España de Traiñeiras.
Na primeira regata só participaron embarcacións integradas por seccións do exército na Coruña, e na segunda integráronse equipos de traballadores portuarios e pescadores.
En 1950 participou por primeira vez unha embarcación cántabra, a Educación y Descanso de Castro Urdiales, que finalizaría a regata na sexta posición a 49 segundos da embarcación galega campioa. A primeira embarcación non galega en gañar a regata foi o Iberia Arraun Elkartea, que daquela recibía o nome de Educación y Descanso de Bilbao e que se proclamou campión por primeira vez en 1953, revalidando o título ao ano seguinte, sendo estes os dous únicos triunfos da embarcación de Sestao.
A época anterior deu un grande impulso á regata, que foi a única disputada xunto coa Bandeira da Concha. Organizouse entón un sistema de rotación para o Campionato de España de Traiñeiras. Este sistema de rotación estableceu que o campión español en 1965 e 1970 se xogara na Copa do Xeneralísimo.
A Coruña
Pedreña
Pasaia
Soto del Barco