Presidente de Gabón
O presidente de Gabón é o xefe de Estado de Gabón.
| Presidente da República Gabonesa Président de la République gabonaise | |
|---|---|
 Estandarte presidencial | |
| Residencia | Palacio Presidencial, Libreville |
| Ámbito |  Gabón |
| Designado por | Sufraxio universal e directo |
| Duración | 7 anos |
| Creación | 17 de agosto de 1960 |
| Primeiro titular | Léon M'ba |
| Salario | 65,000 $ anuais[1] |
| Sitio web | presidence-gabon.ga |
É elixido cada sete anos por sufraxio universal e directo. Un total de tres persoas (sen contar dous presidentes en funcións) exerceron o cargo de presidente dende a independencia do país en 1960.
Descrición do cargo
editarElección
editarO presidente da república é elixido por sufraxio universal e directo para un mandato presidencial de sete anos, renovable. As eleccións son gañadas polo candidato que obteña o maior número de votos.[2] Todos os cidadáns gaboneses, homes e mulleres, que teñan polo menos corenta anos, que residiran en Gabón durante polo menos doce meses, e que gocen dos seus plenos dereitos civís e políticos son elixibles para o cargo de presidente.[2]
O Tribunal Constitucional pode ampliar os prazos previstos conforme ao artigo 11, pero as eleccións non poderán celebrarse máis de trinta e cinco días despois da data da decisión do Tribunal Constitucional. Se a aplicación das políticas dos parágrafos presentes pospón a elección a unha data máis alá do último día no cargo do actual presidente, permanecerá no cargo ata a elección do sucesor.[2]
Xuramento do cargo
editarO xuramento presidencial marca o comezo do mandato presidencial. Pode non ter lugar antes da decisión do Tribunal Constitucional de proclamar os resultados das eleccións oficiais.[2]
No momento do acceso do presidente ao cargo, este realizará o seguinte xuramento ante o Parlamento e o Tribunal Constitucional, coa man esquerda sobre a Constitución e a outra man levantada ante a bandeira nacional:
Prometo dedicar todas as miñas enerxías ao ben do pobo gabonés, asegurar o seu benestar e protexelos de toda desgraza, respectar e defender a Constitución e o Estado de Dereito, cumprir conscientemente os deberes da miña posición e ser xusto con todos.
Vacante
editarEn caso de vacante do cargo presidencial por calquera motivo ou unha discapacidade permanente do actual presidente, afirmado polo Tribunal Constitucional convocado polo goberno a través da maioría absoluta dos seus membros, ou no seu defecto, polas mesas das dúas cámaras do Parlamento con maioría dos seus membros, o presidente do Senado exercerá temporalmente as funcións de presidente da república, ou en caso de discapacidade permanente do presidente do Senado, afirmado polo Tribunal Constitucional convocado nas mesmas condicións, o vicepresidente primeiro do Senado desempeñará temporalmente as funcións da oficina presidencial.[2]
A autoridade que asuma o cargo presidencial interino investirase temporalmente cos deberes e poderes completos do presidente da república, coa excepción de determinados deberes e poderes previstos nos artigos 18, 19 e o primeiro parágrafo do 116. O presidente interino non poderá presentarse como candidato ás seguintes eleccións presidenciais.[2]
En caso de vacante, ou se a discapacidade do presidente é declarada permanente polo Tribunal Constitucional, as votacións para novo presidente, excluídos os casos de emerxencia anunciados polo Tribunal Constitucional, terán lugar entre trinta e sesenta días despois do inicio da vacante ou da declaración dunha incapacidade permanente do presidente.[2]
Lista
editar- Lenda
Partidos políticos
- Bloque Democrático Gabonés (BDG) → Partido Democrático Gabonés (PDG)
- Alianza Democrática e Republicana (ADERE)
Status
- Presidente en funcións
| Nº | Foto | Nome | Eleccións | Mandato | Afiliación política | Primeiro Ministro | ||
|---|---|---|---|---|---|---|---|---|
| Inicio | Fin | Tempo no cargo | ||||||
| 1 | Léon M'ba (1902–1967)[a] |
1961 1967 |
17 de agosto de 1960 | 27 de novembro de 1967 (morto no cargo) |
7 anos e 102 días | BDG | El mesmo | |
| 2 | Omar Bongo Ondimba (1935–2009)[b] |
1973 1979 1986 |
2 de decembro de 1967 | 8 de xuño de 2009 (morto no cargo) |
41 anos e 188 días | BDG/PDG | Léon Mébiame Casimir Oyé-Mba Paulin Obame-Nguema Jean-François Ntoutoume Emane Jean Eyeghé Ndong | |
| - | Didjob Divungi Di Ndinge (1946–)[c] |
- | 6 de maio de 2009 | 10 de xuño de 2009 | 35 días | ADERE | Jean Eyeghé Ndong | |
| - | Rose Francine Rogombé (1942–2015)[d] |
- | 10 de xuño de 2009 | 16 de outubro de 2009 | 128 días | PDG | Jean Eyeghé Ndong Paul Biyoghé Mba | |
| 3 | Ali Bongo Ondimba (1959–)[e] |
2009 2016 |
16 de outubro de 2009 | 30 de agosto de 2023 | 13 anos e 318 días | PDG | Paul Biyoghé Mba | |
| - | Brice Oligui | - | 30 de agosto de 2023 | presente | 1 ano e 76 días | Militar | Vacante | |
- ↑ Brevemente interrompido durante o golpe de Estado do 17-18 de febreiro de 1964
- ↑ Anteriormente chamado Albert-Bernard Bongo. Cambiou de nome o 29 de setembro de 1973, despois de converterse ao islam. Engadiu Ondimba ao nome o 15 de novembro de 2003.
- ↑ Presidente en funcións mentres Bongo estivo hospitalizado.
- ↑ Sucedeu constitucionalmente a Bongo tras a morte deste.
- ↑ Fillo de Omar Bongo Ondimba.
Notas
editar- ↑ "Top 15 Highest Paid African Presidents 2017" (en inglés). 15 de decembro de 2016. Arquivado dende o orixinal o 22 de setembro de 2019. Consultado o 19 de maio de 2020.
- ↑ 2,0 2,1 2,2 2,3 2,4 2,5 2,6 "Constitución de Gabón" (en inglés). Consultado o 20 de maio de 2020.