James Buchanan

James Buchanan [IPA|bjuːˈkænən] (* 23. April 1791 in Mercersburg, Franklin County, Pennsylvania; † 1. Juni 1868 in Lancaster, Pennsylvania) weer en US-amerikaansch Politiker un de 15. Präsident vun de USA. He amteer van 1857 bit 1861.

Leven

Buchanan hett tonächst Karriere as Diplomat (1832 bit 1833 weer he Gesandter in Russland) un as Liddmaat vun den US-Senats makt. Ünner annern weer he van 1836 bit 1841 Vörsitter vun de Utwärtigen Utschuss in den Senat. Van 1845 bit 1849 weer he Butenminister vun de USA in dat Kabinett vun Präsident James Knox Polk. 1853 bit 1856 weer he as Nahfolger vun Joseph Reed Ingersoll US-Botschaper in dat Vereenigte Königriek.

Gegen den amteeren Präsidenten Franklin Pierce wunn he 1856 de Nomineeren as Präsidentschapskandidat vun de Demokratsche Partei. In dat sülvig Johr wunn he de Präsidentschapswahl gegen John Charles Frémont, den eersten Kandidaten vun de Republikaansch Partei. Buchanan sien Viezpräsident weer John Cabell Breckinridge, en Demokrat ut de Süüdstaaten.

All bi sien Amtsanträe weern de Beziehungen tüschen de Noordstaaten und de Süüdstaaten bannig schlecht. 1854 weer mit den den Kansas-Nebraska Act de Missouri-Kompromiss van 1820 upkünnigt wurrn, nah de de Slaveree in all nee Staaten nördlich vun de Mason-Dixon-Linie verboden ween sullen, mit Utnahm vun Missouri. In Kansas keem dat to börgerkriegsähnlich Unruhen tüschen Gegners un Beförwörters vun de Slaveree, de bit in de Midden vun Buchanan sien Amtstiet anhollen deen.

In den Südstaaten wurr all allgemeen vun Sezession snackt. De Wahl vun den Republikaner Abraham Lincoln to Buchanan sien Nahfolger in' November 1860 nehm South Carolina an' 20. Dezember 1860 to'n Anlaat, as eerst Südstaat tatsächlich ut de Union uttotreden. Bit to Lincoln sien Amtsanträe an' 4. März 1861, un dormit noch wiels de Präsidentschap vun Buchanan sünd denn ok noch Georgia, Florida, Alabama, Louisiana, Mississippi un Texas uttreden.

Buchanan sien Positischoon dorto weer, dat de Eenzelstaaten woll kien Recht harrn, de Union to verlaaten, dat aber umgekehrt die Union ok kien Recht harr, de doran to hinnern. Ebenso wenn he sück tegen den Abolitschonismus. Dör diessen „Legalismus“, ahn en Entscheeden to drapen, maak he meest nichts mehr, as up dat Enn' vun sien Amtstiet to töven. Wiel ünner Buchanan de Konflikt tüschen Süüd- un Noordstaaten scharper wurr, ahn dat Buchanan wat Effektives dorgegen ünnernehm, wurrd he vun de meest Historiker as en vun de swachste US-Präsidenten ansehn.^[1]

Buchanan weer de eenzig unverheiraadt Präsident vun de USA. Sien Nichte Harriet Lane övernehm in sien Amtstiet den Part as „First Lady“.

Homosexualität

Eenig Historiker sünd de Meenen, dat William Rufus DeVane King, Viezpräsident ünner Präsident Pierce, in düersam anleggt homosexuellen Beziehung to James Buchanan leev. Beid weern ledig un hebbt 16 Johr in en Wahnung in Washington tosommenleevt. King wurr vun Präsident Jackson as „Miss Nancy“ betitelt, en Beteken för Homosexuelle.^[2]

Enkeld Nahwiesen

↑ En Översicht vun verscheeden Historikerumfragen find sück in de engelsch Wikipedia
↑ James W. Loewen; Lies Across America: What Our Historic Sites Get Wrong; 1999, ISBN 1-56584-344-4

Weblenken

James Buchanan. Mehr Biller, Videos oder Audiodateien to’t Thema gifft dat bi Wikimedia Commons.

James Buchanan in de Biographical Directory of the United States Congress
DNB-Katalog
James Buchanan in de Datenbank vun Find A Grave
The James Buchanan papers The Historical Society of Pennsylvania (Sammlung vun historsch Dokumente ut sien Amtstiet, engelsch)
Personennaamdatei

Präsidenten vun de USA

[1] En Översicht vun verscheeden Historikerumfragen find sück in de engelsch Wikipedia

[2] James W. Loewen; Lies Across America: What Our Historic Sites Get Wrong; 1999, ISBN 1-56584-344-4

[1]

[2]