Herbert Clark Hoover

Herbert Clark Hoover (* 10. August 1874 in West Branch, Cedar County, Iowa; † 20. Oktober 1964 in New York City) weer en US-amerikaansch Politiker un van 1929 bit 1933 de 31. Präsident vun de USA. Tovör weer he siet 1921 ünner de Präsidenten Warren Gamaliel Harding un Calvin Coolidge Hannelsminister ween.

Sien Vader Jessie Clark Hoover, en Quäker, stamm ut den Miami County, Ohio, un harr swiezer Vörfohren, de den oorsprünglichen Naam Huber dragen harrn. De Moder, borene Huldah Randall Minthorn, keem ut en Quäker-Siedlung in de Provinz Kanada un harr engelsch Vörfohren. Herbert Hoover harr en ölleren Bröer, Theodor, un en jüngere Süster, Mary. Herbert weer vun Berop oorsprünglich Ingenieur.

Hoover sien Präsidentschap weer mit optimistisch Verwachten verbunnen ween, de aber dör de Weltweertschapskrise un de spraakwörtlichen Hoovervilles en Enn' funnen. He kunn mit sien Politik de Great Depression nichts tomöötstellen. As he ut dat Amt utscheeden dee, weer he en vun de an' wenigsten beleevt Präsidenten in de amerikaansch Historie. Hoover hett sück tietlevens karitativ betätigt un hett sück wiels un nah de beid Weltkriegen spoodriek för de millionenfack Levensmiddelversörgen för de notlieden europääschen Bevölkerung insett, wat hüm weltwiet Ansehn inbroch.

Weblenken

Herbert Clark Hoover. Mehr Biller, Videos oder Audiodateien to’t Thema gifft dat bi Wikimedia Commons.

DNB-Katalog
Biografie up de Webpräsenz Witt Huus (engelsch)

Präsidenten vun de USA