Téko
Téko nyaéta wadah cai anu bisa dijingjing ka mamana.[1] Asalna tina basa Cina.Téko osok dipaké paranti nganteuran cai nginum biasana cai entéh, nganteuran ka jalma-jalma anu eukeur gawé di sawah atawa kebon jst.[2] Téko biasana aya gagang paranti panyepenganana pikeun dijingjing.[2] Lamun téko tina bahan seéng di jerona osok dilapisan email.[2]
Rupa-rupa téko
[édit | édit sumber]Dumasar kana bahan anu dipakéna:
- Téko sééng [1]
- Téko kaléng [1]
- Téko tembaga [1]
- Téko alumunium [3]
- Téko taneuh liat, téko ieu alusna dipaké jinis téh Oolong.[4]
- Téko stainless stell [4]
- Téko kuningan [4]
- Téko keramik, téko jinis ieu alusna dipaké téh héjo ku sabab téko keramik leuwih téréh ngaluarkeun suhu panas dina jero téko.[4]
- Téko gelas.[4]
Cara ngaleungitkeun kokotor dina téko
[édit | édit sumber]Téko ilaharna sok dipaké wadah cai entéh, lila kalilaan téko téh sok jadi kotor alatan urut entéh anu napel warnana.[5] Cara ngaleungitkeun kokotor dina téko nyaéta ku cara téko téh digosok ku lebu, asupkeun éta lebu kana jero téko tuluy béré cai nepi ka pinuh sanggeus kitu antepkeun salila sapeuting.[5] Salain ku lebu bisa ku kulit jeruk nipis. Carana asupkeun beulahan kulit jeruk nipis kana jero téko tuluy digolakeun, sanggeus kitu pareuman éta kompor antepkeun salila sajam.[6] Piceun caina tuluy bersihkeun bagian jero téko.[6]
Sumber Rujukan
[édit | édit sumber]- ↑ a b c d Danadibrata,R.A.(2006).Kamus Basa Sunda.Bandung: Kiblat Buku Utama.
- ↑ a b c Rosidi,Ajip Spk. 2000.Ensiklopedi Sunda, Alam, Manusa, dan Budaya termasuk Budaya Cirebon dan Betawi. Jakarta:Pustaka Jaya.
- ↑ Hadi,Makin.(1991).Peperenian (Kandaga, Unak-anik, Rusiah Basa Sunda).Bandung: Geger Sunten.
- ↑ a b c d e Koleksi Teko Tehku (Dicutat tanggal 20 Oktober 2011)
- ↑ a b Menghilangkan Noda Teh pada Teko (Dicutat tanggal 20 Oktober 2011)
- ↑ a b 16 manfaat kulit lemon[tumbu nonaktif] (Dicutat tanggal 20 Oktober 2011)