Virginia Beach
Virginia Beach
Virginia Beach | |
|---|---|
Qytet | |
| Parimet: Landmarks of Our Nation's Beginning | |
| Popullsia | |
| • Gjithsej | (2.013) 448,479 |
| Faqja zyrtare | www.vbgov.com |
Virginia Beach (shqiptohet Virxhinia Bijç) është qyteti më i madh i shtetit të Virxhinias, në Shtetet e Bashkuara. Ai është një qytet i pavarur dhe nuk është pjesë e ndonjë qarku. Popullsia brenda kufijve të qytetit në vitin 2013 ishte 448.479 banorë.
Virginia Beach është një qytet turistik me disa kilometra plazhe dhe qindra hotele, motele, dhe restorante përgjatë bregut të oqeanit. Çdo vit në qytet zhvillohet Kampionati i Sërfit i Bregdetit Lindor si dhe Kampionati i Futbollit në Rërë Amerikano Verior. Në qytet ka gjithashtu disa parqe shtetërore, disa fusha të gjata të mbrojtura plazhi, tri baza ushtarake, një numër i korporatave të mëdha, dy universitete, selia ndërkombëtare dhe vendi i studiove të transmetimit televiziv për Rrjetin e Krishterë të Transmetimit (CBN) të Pat Robertsonit, Shoqata për Hulumtime dhe Iluminizim të Edgar Cayce-së dhe vende të shumta historike. Në afërsi të pikës ku takohen Gjiri Chesapeake dhe Oqeani Atlantik, Kepi Henry ishte vendi i zbarkimit të parë të kolonizatorëve anglezë, të cilët u vendosën përfundimisht në Jamestown, më 26 prill 1607.