bombë

Shqip

Bombë f.sh. -

1. Predhë me madhësi e me forma të ndryshme, e mbushur me lëndë shpërthyese a me lëndë të tjera dëmtuese, që hidhet me dorë ose që lëshohet nga ajri me aeroplan; granatë. Bombë djegëse (ndezëse, zjarrvënëse). Bombë shpërthyese (thërrmuese). Bombë atomike (bërthamore, bakteriologjike, kimike). Bombë dore (aeroplani). Bombë me sahat. Bombë me gaz lotsjellës (me gaz helmues, me napalm, me hidrogjen). Ndezësi i bombës. Doreza e bombës. Shpërthimi i bombës. Sulm me bomba. Hedh (lëshon) bomba. Plasi bomba.
2. fig. bised. Goditje e rëndë dhe e papritur; diçka që ndodh papritur dhe që bën shumë përshtypje. Lajmi qe një bombë për të.

• Ra si bombë erdhi papritur, ndodhi befas dhe shkaktoi një goditje të rëndë a një përshtypje të madhe. I plasi bomba në duar i ndodhi papritur një ngjarje e papëlqyer; i doli në shesh diçka e papëlqyer, që përpiqej ta fshihte ose ta

bënte pa u ndier. Bombë vullkanike gjeol. copë lave, që del nga krateri i vullkanit menjëherë pas gazeve dhe që merr trajtën e një lëmshi. Bombë nxehtësimatëse tek.. enë metalike e mbyllur mirë, ku futet për t'u djegur një lëndë djegëse, me qëllim që të matet fuqia e nxehtësisë që jep ajo.

Në gjuhë tjera

Anglisht - bomb Gjermanisht Frëngjisht Polonisht Japonisht Hollandisht Italisht Suedisht Portugalisht Spanisht Kroatisht Arabisht Greqisht Boshnjakisht Persisht

Rusisht Kinezisht Finlandishte Norvegjisht Esperanto Danisht Sllovakisht Hebraisht Çekisht Hungarisht Luksemburgisht Maqedonisht Latinisht Letonisht Rumanisht

Katalanisht Serbisht Sllovenisht Indonezisht Bullgarisht Turqisht Ukrainisht Lituanisht Koreanisht Bjellorusisht Irlandisht Estonisht Venecianisht Interlingua Anglishte e thjeshtë