Muumileehi
Muumileehi (nuorttâlâškielân Muumlieʹǩǩ, orjâlâškielân Mumenvággi teikkâ Mumenleahki, suomâkielân Muumilaakso, ruotâkielân Mumindalen) lii Tove Jansson rähtim Muumi-mainâsij tehálâš tábáhtussaje, kost Muumih ustevijdiskuin ääsih. Leehi lii rávhálâš saje já kukken maailm miänuin. Muumileevi pirrâ láá Ohtuunis väärih já meerâ. Muumileevist kolgá juuhâ, mii ij kuittâggin virded meerân.
Huksiittâsah
[mute | mute käldee]Muumitáálu
[mute | mute käldee]
Leevi tehálumos huksiittâs lii Muumieeji rähtim Muumitáálu. Tot lii muumiperruu päikki. Muumij rähtim tááluh láá ain olluuh já keezih, já nuuvt lii taat-uv. Taat táálu lii jyehi muumikiirjijn.
Nipso táálu
[mute | mute käldee]Nipso táálu lii uccâ vistááš. Kiirjijn táálu lii rahtum keđgiluámán vyevdiroobdâst. Jieijâs táálust huolâhánnáá Nipso kuittâg uáđá uáli távjá Muumitáálust.
Poolistáálu
[mute | mute käldee]Muumileevi poolistáálu lii kuávdoo leevi. Taat lii poolismiästár pargosaje.
Hemulii táálu
[mute | mute käldee]Šaddonurâdeijee Hemulii táálu lii vyevdiroobdâst já ton šiljo paaldâst láá rääsi- já šaddokäärdih.
Eres sajeh
[mute | mute käldee]Ohtuunis väärih
[mute | mute käldee]Ohtuunis väärih (suomâkielân Yksinäiset vuoret, ruotâkielân De ängsliga bergen) láá fiktiivlâš várádâh Tove Jansson čäällim Muumi-mainâsijn. Muumihuáđđoin Skuŋkkâ áásá Ohtuunis vaarijn. Mainâsist Muumistáálu já seibitäsni Muumistáálu já Nipso (siämmáánommâsii elleekooveest meid Uccâ Myy) vyelgih Ohtuunis vaarij täsnitoornân. Ohtuunis vaarij tyehin lii jävri, mast iälá stuárááh kollekyeli, mon Muumistáálu oovtâst ustevijgijn ooinij oovtâst Muumileevi mainâseh -animaatiorááiđu oosijn.
Tove já Lars Jansson čäällim Muumistáálu-ráiđukuuvijn Muumileevist láá finnoduvah tegu tubbáákhaandâl, valastâllâmkävppi já aavis toimâttâs.
