Uéve

Cumme leggere 'u tassobox Uéve
'Nu vò de razze Brune ad 'u Paschèle

Classificazione scientifica
Dominio	Eukaryota
Regno	Animalia
Sottoregno	Eumetazoa
Superphylum	Deuterostomia
Phylum	Chordata
Subphylum	Vertebrata
Superclasse	Tetrapoda
Classe	Mammalia
Sottoclasse	Theria
Infraclasse	Placentalia
Superordine	Cetartiodactyla
Ordine	Artiodactyla
Sottordine	Ruminantia
Famiglia	Bovidae
Sottofamiglia	Bovinae
Genere	Bos
Sottogenere	Bos (Bos)
Specie	B. taurus
Nomenclatura binomiale
Bos taurus Linnaeus, 1758
Sinonimi
Bos indicus Linnaeus, 1758 Bos primigenius Bojanus, 1827

L'uéve jè 'na specie de mammifere appartenende ad 'a famigghie de le Bovide.

L'individue màsche de quèste specie jè chiamate "bovino", l'individue femmene "bovina".

L'uéve adulte, cioè ca tène n'etate cchiù ìrte de le quàtte anne, ce non g'è state castrate jè pure chiamate "tore", mendre l'adulte castrate jè chiamate "bue" o "bove". 'U màschele d'etate cchiù vasce a 'nu anne jè ditte "vitedde". 'U màschele d'etate combrese 'mbrà une e quàtte anne jè ditte "viteddone" ce non g'è state castrate, mendre jè ditte "manzo" ce jè state castrate. 'A femmene d'etate cchiù vasce de 'nu anne jè chiamate "vitedda". 'A femmene d'etate combrese 'mbrà une e ttrède anne, ca non ge se iacchie oltre 'u seste mise de gravidanze, jè ditte "manza". 'A bovine adulte, cioè d'etate cchiù ìrte de le ttrède anne, o ca se iacchie cchiù nnande d'u seste mise de gravidanze, jè pure chiamate "vacche". Ce non g'have angore superate le ttrède anne d'etate, 'a vacche jè pure chiamate "giovenche".

'A vacche pòte pure ccu esse chiamate "mucche", pure ce 'u termine jndre 'nu cambe zootecneche jè 'nu sbruècchele.

L'etimologgije d'u termine "mucche" non g'ète de satte derivazione, se penza ca pòte avenère 'mbrà le verbe latine mulgēre (jndr'ô tagliàne "mungere") e mūgīre (jndr'ô tagliàne "muggire").

L'uéve jè allevate pè pigghià 'u latte, 'u liquide secrete d'a ghiandole mammarie de l'anemale pe' l'alimendazione de le piccinne, ausate assaje jndr'à ll'alimendaziune aumane, sije cumme bevande sije cumme materie prime da cui pigghià frummàgge, panne, burre e otre derivate d'u latte.

Le vitedde sonde allevate prengepalmende p'a carne: sule 'na vanne jè 'nfatte lassate crisce pè destinarle ad 'a riproduzione.

Le uéve non ge sonde sulamende ausate p'a produziune lattifere o p'a carne lòre: prime d'a meccanizzaziune agricole (e accussì angore ôsce jndre 'nu sacche de aree jndr'ô munne) le uéve, essenne ferzute accume le tore me assaje cchiù mansuete grazzie ad 'a castrazione, erene 'nfatte ausate assaje pure cumme forze motrice pe' macchene agricole e mmiezze de carrêscie.

Da le deiezione de le uéve (letame o liquame) se pòtene ottenè 'nu munne de macroelemènde e microelemènde p'a coltivaziune de le terrene agrichèle, prime sus a totte l'azote, utele assaje p'a crescite de le piande.

A cavadde 'mbrà XX e XXI sèchele, l'allevamènde de le uéve jè state misse sotte accuse pe' l'effette serre ca produce^[1]: 'u biochimisme digestive de le uéve (e de le ruminande 'n generale) ca produce accussì 'u metane, gas a effette serre^[2]; seconne alcune studie recende stè 'a possibilità de ridurle, cangianne 'a careche battereche d'u tubbe digerènde facènne devendà cchiù piccele 'a componende metanogene.

Razze

Pe approfondimende, 'ndruche 'a vôsce Liste de razze bovine.

Le uéve sonde allevate specialmende cu l'obbiettive de produrre carne e latte.

Le prengepále razze de uéve sonde state rese megghiure geneticamende jndr'ô timbe e sonde devendate nnande nnande sembre cchiù specializzate.

Gallerije fotografeche

Vacche 'n'ambiende alpie
Vacche ca allatte
'Nu vitedde jndr'à stalle
'Na vacche svizzere
Dòje deverse razze bovine jndre ad 'u Parche naturale Fanes - Sennes e Braies
Esemblare ad 'u paschèle d'a razze Simmental
Vacche Grigge Alpine

Nome reggionale

Basilicata	vacca (mucca), tàur (toro), vuoio (bue), jenco (giovenco), jenca (giovenca), vtied (vitello), vtedd (vitella)
Calavrie	vacca o vaccina (mucca), boi (bue), viteddhu (vitello), jencu (manzo)
Lombardia	vaca/aca (mucca), videl/vedel/bisì (vitello), mans (manzo), bò (bue)
Marche	vacca (mucca), toru (toro), bò (bue), mungana (vacca da latte), vitéllu (vitello)
Sicilia	vacca (mucca), tàuru (toro), voi (bue), mungana (vitella da latte), viteddu (vitello), jencu (giovenco)
Veneto	vaca (mucca), toro (toro), bò (bue), vedèa (vitella), vedèl (vitello), bosgato, bosgatin.

Note

↑ Cfr. Nathan Fiala, "Hamburger a effetto serra", jndre Le Scienze, abbrìle 2009, n. 488.
↑ Cfr. Meredith Knight, "The other Greenhouse Gas", in Science online.

'Ndruche pure

Otre pruggette

Uicchiquote tène citazioni sul bue
Uicchizionarie tène il lemma di dizionario «bue»
Uicchimedie Commons tène files multimediale sulla specie Bos taurus
Uicchispecies tène informazioni sulla specie Bos taurus

Il parametro "" non corrisponde a nessun progetto riconosciuto dal template

Collegamende sus a indernette

(EN) ITIS Standard Report Page: Uéve, in Integrated Taxonomic Information System. URL conzultate l'11/06/2008.

(EN) Catalogue of Life: Uéve, su catalogueoflife.org. URL conzultate l'11/06/2008.

[1] Cfr. Nathan Fiala, "Hamburger a effetto serra", jndre Le Scienze, abbrìle 2009, n. 488.

[2] Cfr. Meredith Knight, "The other Greenhouse Gas", in Science online.

[1]

[2]