برمودا تکون
| اس دو عکسی خانۂ تصویر چ اتلی تصویر برمودا جزیرے دے مقام نوں ظاہر کرتدی اے جدونکہ تھلویں تصویر چ برمودا ، میامی تے پورٹو ریکو دے وچکار اوہ علاقہ دکھایا گیا اے جو عام طور اتے مثلث برمودا کہلاندا ا ے | |||
| |||
مثلث برمودا، بحر اوقیانوس چ واقع اک مقام نوں کہیا جاندا اے۔ اس تھاں نال جڑیاں چند داستاناں ایسی نیں کہ جنہاں دے پاروں اس نوں شیطانی مثلث وی کہیا گیا اے۔ انہاں داستاناں چ انساناں دا غائب ہوجانا تے بحری تے فضائی جہازآں دا گواچ جانا جیسے غیر معمولی تے مافوق الفطرت (paranormal) واقعات شامل نیں۔ ان ماوراء طبیعی داستاناں (یا واقعات) دی تفسیر لئی جو کوششاں کیتیاں گئیاں نیں انہاں چ وی اکثر غیر معمولی تے مسلمہ سائنسی اصولاں توں ہٹ کے ایسی نیں کہ جنہاں لئی کم از کم موجودہ سائنس چ کوئی ٹھوس ثبوت نہیں ملدا۔ انہاں تفسیراں چ فزکس دے قنوناں دا معلق تے غیر مؤثر ہو جانا تے انہاں واقعات چ بیرون ارضی حیات (extraterrestrial life) دا ملوث ہونا جیسے خیالات تے تفکرات وی پائے جاندے نیں۔ انہا ں گمشدکی دے واقعات وچوں خاصے یا تقریباًًًً سارے ہی ایسے نیں کہ جنہاں دے ساتھ اک معمہ دی خصوصیت وابستہ ہو چکی اے تے انہاں نوں انسانی عمل دخل توں بالا پیش آن والے حوادث دی حیثیت دتی جاندی اے۔ بہت ساریاں دستاویزاں ایسیاں نیں کہ جو ایہ ظاہر کردیاں نیں کہ برمودا ٹرائی اینگل نوں تاریخی اعتبار نال ملاحاں لئی اک اسطورہ یا افسانوی مقام دی حیثیت حاصل رہی اے۔ بعد چ آہستہ آہستہ مختلف مصنفاں تے ناول نگاراں نے وی اس مقام دے بیان نوں الفاظ دے بامہارت انتخاب تے انداز و بیان دی آرائش و زیبائش نال ہور پراسرار بنان چ کردار ادا کیتا اے۔
برمودا دے بارے چ اک نظریہ
[سودھو]برمودا دے بارے چ بعض مفکراں دا خیال ایہ ہے کہ اصل چ ایتھے اٹھارویں تے انیویں صدی چ برطانوی فوجی اڈے تے کچھ امریکی فوجی اڈے سن۔ لوکاں نوں انہاں توں دور رکھنے لئی برمودادی مثلث دے افسانے مشہور کیتے گئے جنہاں نوں فکشن(بطور خاص سائنسی فکشن) لکھن والےآں نے اپنے ناولاں چ استعمال کیتا۔ ہن چونکہ اڈےآں والا مسئلہ انّا اہم نہیں رہیا اس لئی کافی چر توں سمندر دے اس حصے چ ہونے والے پراسرار واقعات وی نہیں ہوئے۔ مواصلات دے اس جدید دور چ ہن وی کوئی ایسا علاقہ نہیں ملیا جتھے قطب نما دی سوئی کم نہ کردی ہوۓ یا اس طرح دے واقعات ہوندے ہون جو برمودا دی مثلث دے سلسلے چ بیان کیتے جاندے نیں۔