Për amprende a dovré 'l sistema dle parlà locaj ch'a varda sì.
Mapa dle lenghe australian-e.
La famija dle lenghe australian-e a l'é fàita da pì ëd dosent lenghe, tute parlà an Australia, parente an tra ëd lor e sicurament nen parente con gnun-e àutre famije lenghìstiche.
Na senten-a ëd coste lenghe a son an sël bòrd ëd l'estinsion. As trata ëd lenghe che soens a son motobin complicà, avosà për avèj la caraterìstica ëd l'ergatività[1].
La figura a fa vëdde la distribussion ëd le lenghe australian-e. As peul notesse che a-i é na famija motobin gròssa, la famija dle lenghe pama-nyungan che a coata quase tuta l'Australia e a l'é fàita da la pì part ëd le lenghe.
