Cornus mas

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

?Cornaj o cornalin

Classìfica sientìfica

Regn:	Plantae
Division:	Magnoliophyta
Class:	Magnoliophyta
Órdin:	Cornales
Famija:	Cornaceae
Géner:	Cornus
Specie:	C. mas

Nòm binomial

Cornus mas
L.

Descrission

A l'é un busson con bòsch dur e feuje oponùe, ovaj, con ëd venadure caraterìstiche da banda e bòrd antregh. A peul rivé fin-a a 6 o 7 méter d'autëssa e a l'é assè ramificà.

Ij frut a son bastansa gròss, ovaj, con na gròssa ganeuja andrinta. A l'ancamin a son verd, peui murend a ven-o ross con un gust assè brusch. Cand a son tut afàit mur sò color a ven pi fonsé, scasi ross-nèir, e soa polpa dossa e pien-a ëd giuss.

Distribussion

A viv fin-a a j'800-1000 méter d'autëssa.

Notissie

Le fior dël cornaj a dësbandisso anans ëd la surtìa dle feuje.
Ij frut a son motobin apressià da j'osej. As peul fess-ne na marmlada na frisa brusca o as peulo mangesse bele parèj, ma mach cand a son bin mur. As na prontava ëdcò un vinèt leger da bèive ant ij camp.

Arferiment bibliogràfich për chi a veul fé dj'arserche pì ancreuse

Cornus mas L.