Naie
Naie, aach Rauscha, Waiße, Fedawaise oor Bizzla nennd mer ä naie Woi, där wu nuch nid fäddisch is, des heesd es is kää Moschd mea, awwee aach nuch kää Woi.
Schemie
[Schaffe | Om Gwelltegschd schaffe]Bai de Moschdvagärung duud die Heef den Draubezucka im Moschd zu Alko'ol un CO2 vagääre un sisch dodebai vamehre. Won de Woi fäddisch is, wädda gfildäd, bis koi Heef mea drin is. De Moschd schmeggd sea guud, de Woi nuch viel bessa un jedi Zwischeschduuf is aach sea guud drinkbaa. Nor, daß do hald nuch die Heef drin is un die sedzd ihrne Vagärung aach im Vadauungsdragd fódd, unnerschdidzd vun de Mischsoirebagderie - weh däm Durischd, där wu des ned wääß!
Im Prizip komma jede Naie guud dringe, awwe mehaschd wärn ned graad die allerbeschde ausgschengd, boim Naie fallds ned so uff un'n guude Woi bringd schbeda hall duch mea oi.
Broisch
[Schaffe | Om Gwelltegschd schaffe]Iwwlischawais eßma zum Naie nuch an guude Zwiwwlkuche. In viele Öddscha gäbds egschdra Naie-Feschde or'r Zwiwwlkuche-Feschde, awwee mer muß gaaned dódruf wadde, än guude Naie griehd mer bai jedm Winza, mär solld närn Bhälda midbringe, wu mer soo zumache konn, doß närs CO2 enaus konn, awwee kää Naie.
Anekdode
[Schaffe | Om Gwelltegschd schaffe]Kimmd ä Móó guud óókhaidäd hääm un soi Fraa meschdn ausschänne. Sääda:
"Bischde wol ruuisch! Duu hosch misch doch Baischde gschiggd!"
"Baischde? Bis nóó Middanachd??? Duu Saugriwwl, Du schlächda!!!"
"Jaa unn? Was willde donn?! Do kead jo aach nuch die Buuß dezuu...!!!"
"Welle Buuß?"
"Ai wu de Parra mär uffgäwwe hod! Drai Lidda Naie!!!"