Teracota
| Supkategoria di | pottery  |
|---|---|
| Has use | sculpture, panchi di dak, brick |
| Made from material | clay |
| Fabrication method | burning |
| Karakterisá pa | porosity |
Teracota (na Italiano: terracotta of terra cotta nificando “tera kima” of “tera cushina” cu ta bin di e palabra Latin terra cocta), ta un tipo di losa, esta un ceramica di klei sea vidria of no vidria caminda e parti “kima” ta poroso. Teracota normalmente ta un palabra cu ta wordo uza pa escultura traha di losa y tambe pa esnan pa varios obheto cu aplicacion practico incluiendo vaas (manera pochi di flor), tubo pa awa y awa di riool, panchi di dak, bloki, y embeyezamento di superficie den construccion di edificio. E palabra tambe ta wordo uza pa referi na e color natural bruin oraño di mayoria teracota.
E articlo aki ta cubri teracota den e sinti di teracota como un medio pa escultura, manera e Ehercito di teracota y figurina di teracota Griego y tambe decoracion arkitectural. Escultura di porselein Europeo y Asia Oriente no ta wordo cubri. Teracota arkitectural vidria of no vidria, como superficie pa exterior di edificionan na Asia Oriente, tawata wordo uza ya pa varios siglo caba prome cu e la bira popular di Occidente (West Europa y Merca) den siglo 19. Teracota arkitectural por refiri na elementonan di decoracion ceramico por ehempel anti fiho y ribistimento, cu a hasi un contribucion grandi na e apariencia di templo y otro edificonan den arkitectura clasico Europeo y tambe esun di Oriente Cercano Antiguo.
Den arkeologia y historia di arte e palabra teracota ta hopi biaha wordo uza pa describi obhetonan manera figurina cu no a ser traha riba un wiel di alfarero. Vaas y otro obheto cu ta of kisas ta wordo traha riba e wiel di e mesun material, pues teracota, ta wordo yama losa alfarero (trahamento di pochi di klei); e uzo di e palabra te depende na e tipo di obheto enbes di e material cu a uzo of e tecnica di “kima”. Mas tanto ora haci referencia na teracota, ta papia di piesanan no vidria y esnan uza den industria y tambe construccion di edificio. Teracota vidria den obhetonan di mercania pa cubri mesa (e.o. tayo) y otro tipo di vaas ta wordo yama losa of pa un palabra mas specific, esta faians cu ta bisa algo tocante e vidria particular cu a uza riba e obheto.
Referensia
|