Preshon

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Den físika, preshon (of drùk) ta e forsa perpendikular ehersé pa unidat di área. E unidat di preshon ta pascal (Pa), pero e unidatnan bar i atmósfera tambe tin biaha ta wòrdu usá.

Den materia sólido preshon ta un forma di tenshon mekaniko ku ta lo kontrario di tenshon di rèkmentu. Preshon tambe apliká na líkido i gas. Den e medionan aki, preshon ta wòrdu ehersé riba e murayanan di e barí den kua nan ta kontené, òf riba e superfisie di un opheto kontené den e medio.

Den gasnan, e lei general di gas ta deskribí e relashon entre preshon, temperatura, volúmen i kantidat di molekül. Den líkido, e preshon bou di influensia di gravedat ta oumentá ku e profundidat i densidat di e líkido. Por ehèmpel, den awa e preshon ta oumentá ku mas o ménos 1 atmósfera pa kada 10 meter di profundidat.

Definishon di formula

Preshon dor di un materia sólido por wòrdu kalkulá usando e siguiente formula:

p={\frac {F}{A}}

Pa media di kua:

$p$ ta para pa e preshon (unidat: $Pa$ ).
$F$ ta e forsa di preshon (unidat: $N$ )
$A$ ta para pa área di superisie di materia sólido (unidat: $m^{2}$ )

Unidat

E unidat di preshon (den e sistema-SI) ta e pascal. ${\textstyle 1Pa={\frac {1N}{m^{2}}}}$ . E unidat aki ta konsisti pues di e unidatnan di forsa i área (newton dividí pa meter kuadrá). Un preshon di 0 Pa (apsoluto) ta vaküm; e preshon atmosferiko na nivel di laman ta mas o ménos 100.000 Pa.

Referensia

E artíkulo aki òf un vershon anterior di dje ta un tradukshon di e artíkulo Preshon riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.