Jump to content

WikiLeaks

Ibat king Wikipedia
Ing WikiLeaks ala yang kaugnayan king Wikipedia o king Katatagan Wikimedia (Wikimedia Foundation).
This page has been semi-protected from editing
 Ining article maliari yang miyapektuan kareng tutuking kasalukuyan a maliliari: United States diplomatic cables leak. Maliaring ing impormasiun kaniting article malaguang mibayu kabang mararapat ing pangapaliari.
I Julian Assange, inh manimunang talapagsalita ampong pun talapatuntun (editor-in-chief) ning WikiLeaks

Ing WikiLeaks metung yang internacional a agumang bayung media a e para tubu, at aguman a mibubulalag kareng mabibieng documentung ibat kareng e pepakilalang panibatan ning balita ampong leak. Palakad ne ning The Sunshine Press ing kayang karinan-Aptas o website, a [1] Kilub ning pabanua ning kayang pamilauk, atin neng database a maigit 1.2 miliun documentu.[2] Lalarawan ing kayang sarili a tetag de kanu deng sasalungat king kapamahalan ning China, kayabe la reng periodista, ampong start-up company technologist ibat king Estados Unidos, Taiwan, Europa, Australia, ampong South Africa.[1] Lalarawan ne ning pahayagang The Guardian i Julian Assange, metung Australianong Internet activist), antimong director.[3]

Sinambut neng mapilang galal ing WikiLeaks, kayabe ya ing 2008 Economist magazine New Media Award.[4] Aniang Junio 2009, ing WikiLeaks ampo i Julian Assange sinambut lang Amnesty International UK Media Award (king categoriang "New Media") para king pamibulalag na aniang 2008 ning "Kenya: The Cry of Blood – Extra Judicial Killings and Disappearances",[5] metung a ulat ning Kenya National Commission on Human Rights tungkul kareng pamakamate ning policia king Kenya.[6] Aniang Mayo 2010, linista ne ning New York Daily News ing WikiLeaks a mumuna king pamituki-tuki da reng "websites that could totally change the news".[7] Sinuporta ya ing Russia king WikiLeaks ampo ing kayang talatátag a i Julian Assange kapamilatan ning pamipahayag a i dapat yang mirinan Nobel Peace Prize i Assange, king miliari kaibat ning pamikalat da reng United States diplomatic cables leak.[8]

Aniang Abril 2010, miglual yang video ing WikiLeaks ibat king incidenti aniang 2007 nung nu pete dong fuerzang Americanu deng in Iraqi civilians ampong periodista king karinan-Aptas o website a maki lagiung Collateral Murder. Aniang Julio ning banua, pepalual ne ning WikiLeaks ing Afghan War Diary, metung a pamitipun da reng maigit 76,900 documentu tungkul king Guerra king Afghanistan a e sadiang makalual king malda.[9] Aniang Octubre, miglual la ing grupung alus 400,000 documentung ausan dang Iraq War Logs kayantabe la reng mangaragul a agumang pang-mediang pang-negocio. Aniang Noviembre 2010, migumpisa yang maglual U.S. State department diplomatic cables ing WikiLeaks.

Aniang mumuna, metung yang user-editable wiki site ing WikiLeaks, oneng kinimut ya paras king istilong mas tradicional a limbagan, at e ne tatanggap comento o pamagbayu o pamaniusug. Maliari yang akua ing karinan kareng dakal a server ampong miayaliwang domain name kaibat ning mapilang denial-of-service attack ampo ing kayang pamikawani kareng miayaliwang Domain Name System (DNS) provider.[10][11]

Template:TOClimit

Dalerayan

  1. ↑ 1.0 1.1 Cite error: Invalid <ref> tag; no text was provided for refs named aboutwikileaks
  2. ↑ Wikileaks has 1.2 million documents?. WikiLeaks. Archived from the original on 16 February 2008. Retrieved on 28 February 2008.
  3. ↑ McGreal, Chris. Wikileaks reveals video showing U.S. air crew shooting down Iraqi civilians, The Guardian, 5 April 2010.
  4. ↑ Winners of Index on Censorship Freedom of Expression Award Announced 22 April 2008
  5. ↑ Kenya: The Cry of Blood – Extra Judicial Killings and Disappearances, Sep 2008 Archived Setyembri 20, 2010 at the Wayback Machine WikiLeaks.
  6. ↑ Amnesty announces Media Awards 2009 winners Amnesty.org.uk, 2 June 2009
  7. ↑ Reso, Paulina (20 May 2010). "5 pioneering Web sites that could totally change the news", Daily News. Retrieved on 8 June 2010. 
  8. ↑ Dikshit, Sandeep. Julian Assange should be awarded Nobel peace prize, suggests Russia. The Guardian. Retrieved on 9 December 2010.
  9. ↑ "WikiLeaks to publish new documents" (8 August 2010). Retrieved on 5 December 2010. Archived from the original on 17 October 2010. 
  10. ↑ Satter, Raphael G.; Svensson, Peter (3 December 2010) "WikiLeaks Fights To Stay Online Amid Attacks". Associated Press (via The Charlotte Observer). Retrieved 4 December 2010.
  11. ↑ "WikiLeaks hit by new online onslaught", The Independent, Independent Print Ltd (5 December 2010). Retrieved on 4 December 2010. 

Suglung palual

Ing Wikiquote atin yang coleccion da reng sinabi nang o mesabi tungkul kang/king:
Ing Wikimedia Commons atin yang mediang maki kaugnayan kang/king:


Template:WikiLeaks

Mekua ya king "https://pam.wikipedia.org/w/index.php?title=WikiLeaks&oldid=300330"