Roberto Goyeneche
Roberto Goyeneche (tanben escaissat El Polaco Goyeneche o simplament El Polaco ; Saavedra, Buenos Aires, lo 29 de gener de 1926 - Buenos Aires, lo 27 d'agost de 1994) èra un cantaire Argentin de tango d'origina Francesa Basca.
Biografia
[modificar | Modificar lo còdi]A primièr incarnat l'arquetip de la vida de libertat dins lo Buenos Aires de las annadas 1950, abans de venir una legenda viva de la scèna musicala Argentina.
Son chafre li ven de son pel blond e a sa lingesa, es sovent identificat al quartièr de Saavedra a Buenos Aires ont a crescut.
Goyeneche s'es primièr format dins l'estil de tango de Carlos Gardel, abans d'abotir a aquel tan personal, sustot caracterizat per una granda libertat ritmica, una prononciacion perfiècha e una prigonda inspiracion. En 1944, a 18 ans, ganha un concors local que li permet de dintrar dins l'orquèstra de Raúl Kaplún, e fa sas debutas sus Ràdio Belgrano. En 1952, Goyeneche s'assòcia a Horacio Salgán. En 1956, rejonh l'orquèstra de son amic grand Anibal Troilo amb lo qual enregistra 26 cançons.
Après las debutas de sa carrièra sòlo en 1963, es lo primièr cantaire a interpretar la celèbra cançon d'Astor Piazzolla Balada Balada para un loco.
Dins las annadas 1980, Goyeneche es convidat a participar als films Tangos, l'exili de Gardel e Lo Sud de Fernando Solanas.
A sa mòrt, subrevenguda en 1994, èra considerat, après son inspiracion Carlos Gardel, coma lo mai grand cantaire de tango viu. Uèi, una avenguda pòrta son nom dins lo quartièr de Saavedra a Buenos Aires.
