Chogha Zanbil
Chogha Zanbil es un complèx religiós elamita situat dins lo sud-oèst de l'Iran modèrne. Fondat per lo rèi Untash-Napirisha (1345-1305 avC) durant l'apogèu de la poissança d'Elam, es famós per sa zigorat que sei vestigis son relativament ben conservats. Un palais e una vila completavan l'ensemble mai sa construccion foguèt pas acabada, probablament en causa de la disparicion de la dinastia d'Untash-Napirisha. Lei monuments religiós demorèron utilizats fins a sa destruccion en 640 avC per Assurbanipal.
Lo site foguèt inscrich en 1979 au Patrimòni Mondiau de l'Umanitat de l'UNESCO.