Wenche Krossøy
| Wenche Krossøy | |
| Statsborgarskap | Noreg |
| Fødd | 25. oktober 1943 |
| Død |
12. mars 2010 (66 år) |
| Yrke | skribent |
Wenche Krossøy (fødd 25. oktober 1943 på Andørja i Troms, død 12. mars 2010 i Bergen) var ein norsk forfattar. Ho var store delar av livet busett i Salhus, og flytta til Danmarksplass i Bergen rundt 2004. Krossøy har skrive både for vaksne og barn.
Wenche Krossøy voks opp på Andørja i Troms. Familien dreiv med jordbruk og hadde hest, sauer og kyr, og faren drog òg på Lofotfiske. Barndomsminna frå Nord-Noreg vart brukte i Wenche Krossøy sine første barnebøker. Ho var utdanna frå folkehøgskole, med delartium, Nansenskolen og studium i mediekunnskap frå Volda distriktshøgskole. Ho arbeidde på kontor, og hadde kunstnarstipend.
Wenche Krossøy debuterte i 1974 med Mens pappa er på Lofoten, og gav ut 11 barne- og ungdomsbøker. Ho fekk Kultur- og kirkedepartementets pris for barne- og ungdomslitteratur for Magdalena (1977). Dei første bøkene hennar skildrar utkantmiljø i Nord-Noreg med understreking av dei positive verda i bygdemiljøet.
Wenche Krossøy skreiv òg dikt og noveller for vaksne. Novella «Tørst» kom ut i 1977 og har vore brukte i lærebøker i vidaregåande skular. Novella handlar om ei sliten vaskekone som tek antidepressiva for å døyve smerta ho kjenner ved å føle seg underlegen og einsam.
Magdalena vart i 1980 oppført som norsk bidrag til IBBY Honour List 1980.
Bibliografi
[endre | endre wikiteksten]- Mens pappa er på Lofoten 1974
- Oluf og Ror-Lovisa 1975
- Magdalena 1977
- Er det sant 1980
- Loliletta 1981
- Den sovande fuglen 1983
- Blåhuset 1985
- Gullnøkkelen 1987
- Den kvite steinen 1989
- Angelus 1993
- Historia om ein engel – med Lise Levy, 1996
Bakgrunnsstoff
[endre | endre wikiteksten]- Tone Birkeland, Gunvor Risa og Karin Beate Vold (1997). «1970-95». Norsk barnelitteraturhistorie. Oslo: Det Norske Samlaget. s. 314-315. ISBN 82-521-5933-8.
- Utgjevingar av Wenche Krossøy i Biblioteksøk
- Utgjevingar av Wenche Krossøy[daud lenkje] i BIBSYS
- Bøker av Wenche Krossøy digitalisert hjå Nasjonalbiblioteket
Kjelde
[endre | endre wikiteksten]- Denne artikkelen bygger på «Wenche Krossøy» frå Wikipedia på bokmål, den 25. april 2012.