Podolsk

Podolsk Подольск
Flagget til Podolsk Byvåpenet til Podolsk
Plassering
Styresmakter
Land	Russland
Føderasjonssubjekt	Moskva oblast
Først nemnd i	1627
Borgarmeister	Nikolai Pestov
Geografi
Flatevidd  - By	38 km²
Innbyggjarar  - Totalt (2007)    - folketettleik	179 400   4 721,1 /km²
Koordinatar	55°25′0″N 37°33′0″E
Høgd over havet	160 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	142100–142121
Retningsnummer (tlf)	(+7)4967
Nettstad: adm.podolsk.ru

Podolsk (russisk skrift Подо́льск) er ein industriby i Moskva oblast i Russland. Han ligg ved elva Pakhra, ei sideelv til Moskvaelva. Han er den største byen i Moskva oblast med om lag 180 000 innbyggjarar (2007). Dette kjem av at Moskva ikkje er ein del av Moskva oblast.

Byen Podolsk voks ut frå landsbyen (selo) Podol, som på 1700-talet høyrte til Danilovklosteret i Moskva. Podolsk fekk bystatus av Katarina II i 1791. På den tida etablerte Russland dei viktiste landdistrikta, utnemnde guvernørar og grunnla nye byar.

Før den russiske revolusjonen var Podolsk ein av dei mest industrialiserte byane i Russland. Ein Singer-fabrikk som produserte symaskiner vart bygd her.

Uljanovfamilien pla å bu i Podolsk. Vladimir Lenin vitja byen fleire gonger, og hadde til og med ein liten eigedom og ei hytte der. I 1900 heldt han eit møte i Podolsk med sosialdemokratar frå Moskva og andre byar for å få støtta deira til avisa Iskra, som alt var under skiping.

I 1971 vart Podolsk tildelt Arbeidet sin raude banner-ordenen. Under sovjettida var Podolsk ein av dei industrielle gigantane i Moskva oblast. På den tida var det meir enn sytti fabrikkar i verksemd i byen, og dei fleste av innbyggjarane arbeidde ved ein av desse fabrikkane.

Kjende folk frå Podolsk

• Sergej A. Makarov, spydkastar

Kjelder

• Denne artikkelen bygger på «Podolsk» frå Wikipedia på bokmål, den 25. desember 2008.