Jableh

Jableh
جبلة, جبلة الحرة
by
Landskap ved Jableh.
Land	Syria
Guvernement	Latakia guvernement
Distrikt	Jableh-distriktet
Nahiyah	Jableh
Høgd	16 moh.
Koordinatar	35°21′N 35°55′E
Folketal	80 000  (2008)
Tidssone	EET (UTC+2)
Jableh 35.359722222222°N 35.921388888889°E / 35.359722222222; 35.921388888889
Kart som viser Jableh. Kart som viser Jableh.
Wikimedia Commons: Jableh

Jableh (arabisk جبلة, Ǧabla, òg skrive Jebleh, Jabala, Jablah eller Gabala) er ein kystby ved Middelhavet i Syria, 25 km nord for Baniyas og 25 km sør for Latakia, med kring 80 000 innbyggjarar (2008).

Historie

I antikken var Jableh ein viktig romarby, og ruinar frå denne tida er eit amfiteater, som kunne huse kring 7000 tilskodarar. Nær kysten ligg enno eldre ruinar frå jarnalderen eller fønikisk tid.Mindre enn ein kilometer frå sentrum ligg den antikke staden Gibala, som i dag vert kalla Tell Tweini. Denne byen var busett frå 2000-talet fvt. fram til persartida.

Det romerske teateret i Jableh

Jableh var ein del av Fyrstedømet Antiokia, ein av Krossfararstatane, fram til han vart erobra av Saladin i 1189 under det tredje krosstoget. Ein kjend innbyggjar var Hugh av Jabala, biskopen i byen, som rapporterte om fallet til Edessa til pave Eugene III, og var den første personen som omtalte prestekongen Johannes.

I byen ligg grava og moskéen til sultan Ibrahim ibn Adham, ein sufi-mystikar som på 700-talet sa frå seg trona si og gav seg over til å bøn for resten av livet.

Jableh har ei strand, Al-Kurnish, som blir mykje nytta av innbyggjarane i byen.

Jableh er heimbyen til den syriske diktaren Adunis, som var ein av dei første moderne arabiske diktarane. Jableh er òg heimstaden til symjaren Firas Mouala, som symde frå Latakia til Kypros (nesten 90 km).

Økonomi

Gut med saufelokk i Jableh.

Størsteparten av innbyggjarane i Jableh driv med jordbruk. Dei dyrkar mellom anna appelsin, og sitron og oliven, og på landsbygda finst mange drivhus for dyrking av grønsaker.

Idrett

Jableh Sporting Club er ein fotballklubb i Jableh. Klubben spelar kampane sine på Al-Baath stadion, som har setekapasitet til 10 000.

Kjelder

• Denne artikkelen bygger på «Jableh» frå Wikipedia på engelsk, den 15. juni 2014.
  • Wikipedia på engelsk oppgav desse kjeldene: