Jo Inge Berget

Jo Inge Berget
Statsborgarskap	Noreg
Fødd	11. september 1990 (34 år) Gran kommune
Idrett	fotball

Jo Inge Berget (fødd 11. september 1990) er ein norsk fotballspelar frå Gran i Oppland. Han har sanka pokalar med Strømsgodset IF, Molde FK og svenske Malmö FF. Berget er offensiv kantspelar.

Karriere

Klubbspel

Berget spelte vårsesongen 2006 for Hadeland på nivå fem i seriesystemet. Han debuterte for eliteserielaget Lyn i september 2007. Sommaren 2008 vart han overført til italienske Udinese Calcio. Der fekk han ikkje speletid, så sesongen 2009 gjorde han atter teneste i Lyn. Frå våren 2010 til juli 2011 spelte Berget på Strømsgodset. Han var med då Drammens-laget vann 2–0 over overraskingslaget Follo i cupfinalen på Ullevål stadion 14. november 2010.

I to og ein halv sesong var Berget Molde-spelar. Under sjefstrenar Ole Gunnar Solskjær vann klubben to seriegull og NM-finalen 2013. Etter eit mislukka opphald i Cardiff City, og ein kort periode i Celtic FC, fekk Berget vinteren 2015 kontrakt med Malmö FF. Her kunne han både i 2016 og 2017 feire laget sine triumfar i Allsvenskan. Året 2018 var han New York City-spelar i USA. Perioden 2019-21 var han atter Malmö-spelar, der han i 2020 var med om å vinne sitt femte seriemeisterskap.

Landslagsspel

Perioden 2012-17 deltok Berget i 20 av Noregs landskampar. Han skåra 2 mål. Det fyrste kom då Noreg slo Kroatia 2-0 i EM-kvalifiseringskamp 6. september 2015, det andre eit halvår seinare då det vart 2-0 over Finland.

Merittar

• Noregsmeister: 2010 med Strømsgodset IF og 2013 med Molde FK
• Norsk seriemeister: 2011 og 2012 med Molde FK
• Svensk seriemeister: 2016, 2017 og 2020 med Malmö FF

Kjelder

• Denne artikkelen bygger på «Jo Inge Berget» frå Wikipedia på bokmål, den 27. oktober 2021.
• eu-football