Des Walker

Des Walker
Statsborgarskap	Storbritannia
Fødd	26. november 1965 (58 år) London
Idrett	fotball
Tok del i	VM i fotball 1990, EM i fotball 1992

Desmond Sinclair Walker (fødd 26. november 1965) er ein engelsk tidlegare fotballspelar frå Hackney. Han var sideback og deltok i 59 landskampar i tida 1988-93. I 1990 spelte han bronsefinalen under VM i fotball 1990.

Karriere

Klubbspel

Walker fekk sin ligadebut med Nottingham Forest i 1984 og var aktiv i klubben til 1992. Her var han med å vinne ligacupen i 1989 og 1990. Etter å ha gjort teneste i italienske Sampdoria i 1992/93-sesongen, vart han sommaren 1993 overført til Sheffield Wednesday. Gjennom åtte sesongar til 2001 var han fast i fyrste-ellevaren til laget frå Sheffield. Walker slutta som aktiv i 2004 etter på ny å ha spelt for Nottingham Forest, då på nivå 2 i ligasystemet.

Landslagsspel

Walker fekk sin landslagsdebut 14. september 1988 som innbytar. Fram til 17. november 1993 spelte han venstreback i til saman 59 kampar, skåra aldri. Under VM i fotball 1990 imponerte han stort med si fart og taklingsevne. Meisterskapen enda med at England tapte bronsefinalen mot vertslandet Italia. 1992/93 tok han del i begge VM-kvalifiseringskampane mot Noreg. Oppgjeret i London enda 1-1, i Oslo tapte England 0-2.

Karriere

Merittar

• Vinnar av den engelske ligacupen: 1989 og 1990 med Nottingham Forest
• Finalist i FA-cupen: 1991 med Nottingham Forest
• Finalist i den engelske ligacupen: 1992 med Nottingham Forest
• Tredjeplass i den engelske ligaen: 1988 og 1989 med Nottingham Forest

Kjelder

• eu-football
• Denne artikkelen bygger på «Des Walker» frå Wikipedia på engelsk, den 11. juli 2024.