Guadalhorce

Guadalhorce
elv
Munningen til Guadalhorce i Malaga
Land	Spania
Lengd	166 km
Middelvassføring	8 m³/s
Kjelde	Sierra de Alhama
Munning	Middelhavet
Guadalhorce 36.666°N 4.455°W / 36.666; -4.455
Wikimedia Commons: Guadalhorce

Guadalhorce er den viktigaste elva i provinsen Malaga i Spania. Ho spring ut i Sierra de Alhama i provinsen Granada. Elva drenerer Antequera-senkinga og munnar ut i Middelhavet vest for byen Málaga. Ho er 166 km lang og renn gjennom sørlege område av Andalusia. Guadalhorce er den vassrikaste elva langs Costa del Sol etter Guadiaro. Ho dannar ei kløft i El Chorro med ei lengd på 7 km, før ho renn gjennom Hoya de Málaga. Guadalhorce renn gjennom byane Villanueva del Trabuco,Villanueva del Rosario, Archidona, Antequera,Alhaurín el Grande, Alhaurín de la Torre, Almogía, Álora, Cártama, Coín, Pizarra og Valle de Abdalajís. Kort tid før ho når sjøen, forgreinar ho seg. Ein del av elva vert nytta til drikkevatn og vasskraft for byen Málaga. Nær munningen ligg ruinane av den fønikiske busetnaden Cerro del Villar.

Geologi

I miosentida var elvedalen ein del av sundet som knytte Middelhavet til Atlanterhavet gjennom Bética-senkinga (i dag dalen Guadalquivir).

Bakgrunnsstoff

Wikimedia Commons har multimedia som gjeld: Guadalhorce

Kjelder

• Denne artikkelen bygger på «Guadalhorce» frå Wikipedia på engelsk, den 5. mai 2009.