Richard Mandl

Richard Mandl (* 9. Mai 1859 in Prostějov; † 31. März 1918 in Wien) weer en öösterrieksch Komponist.

Mandl weer an dat Conservatoire de Paris Schöler vun Léo Delibes. He is vör allen as Leedkomponist hervörtreden. So hett he to’n Bispeel Theodor Storms plattdüütsch Gedicht Gode Nacht un Arthur Schnitzlers Anfang vom Ende (1912) vertont. Dorneben komponeer he Chorwarken, en Klaveerquintett (1911), en Ouvertüre zu einem gaskognischen Ritterspiel för groot Orchester (1916) un de eenaktig komisch Oper Rencontre Imprévue (1890).

Literatur

[http://www.biographien.ac.at/oebl_6/48.pdf Th. Antonicek över Richard Mandl in: Österreichisches Biographisches Lexikon 1815–1950 (ÖBL). Band 6, Verlag der Österreichischen Akademie der Wissenschaften, Wien 1975, ISBN 3-7001-0128-7, S. 48.

Weblenken