De Belemniten (Belemnoidea) sünd en vun de gröttsten Gruppen vun fossileKoppfööt (Cephalopoda). Se leven vun’n Unnerkarbon (Mississipium) bit to dat Enne vun de Kried, also vun vör bi 359 bit vör 65 Mio. Johre. Ehre fossilen Binnenskelette weert ok „Dunnerkiele“ oder „Düvelsfinger“ nömmt. Utsehn hefft se liek as de hüdigen Pieldintenfische. Se harrn tein Fangarms un een Dintenbüdel. Man an de Arms seten keen Suugproppens an, man Hakens. Utspunnen hefft se sik wohrschienlich ut de Bactriten, just so, as de Ammoniten. In dat Mesozoikum weern se so begäng, datt se hüdigendags to’n Deel as Leddfossilien bruukt weern könnt. Wohrschienlich leven de Belemniten in Swarms an de Seeküsten nich wiet unner Water.
Ulrich Lehmann, Gero Hillmer: Wirbellose Tiere der Vorzeit. Leitfaden der systematischen Paläontologie der Invertebraten. 3. Uplage, eenmol dörkeken un wieter maakt, Enke, Stuttgart 1991, ISBN 3-432-90653-6.
Rudolf Schlegelmilch: Die Belemniten des süddeutschen Jura. Ein Bestimmungsbuch für Geowissenschaftler und Fossiliensammler. Gustav Fischer, Stuttgart u. a. 1998, ISBN 3-437-25526-6.
